________________
६९
दीपपूजाकथानकम् ॥
तेण वि अखुद्दचित्तो समुट्ठिओ नरवई सह पियाए । पिच्छइ पुरओ सप्पं पियाइ तेएण नित्तेयं ॥३८।। इत्तो भीसणरूवं काऊणं भेसिउं समाढत्ता । तहवि हु नियसत्ताओ ने य चलिया कणगमाला सा ॥३९॥ तीइ सत्तेणं तुट्ठा पैसन्नरूवेण अप्पणो काउं । पभणइ वच्छे तुट्ठा जं मग्गसि तं पणामेमि ॥४०॥ भणिया सा कणयाए भयवइ जे देसि मज्झ परितुवा । ता तुंगं पुरमज्झे मणिरयणं कुणसु पासायं ॥४१॥ एवं ति पभणिऊणं विइग्गया रक्खसी निययठाणं । भीय व्व रक्खसीए पढमं चिय जामिणी नट्ठा ॥४२॥ इत्तो सुहपडिबुद्धा समये दइएण कणगमाला सा । पिच्छइ ठियमप्पाणं देवीइ विणिम्मिए भवणे ॥४३॥ तं सुरभवणसरिच्छं दट्ठणं भणइ नैरवईलोओ । कणयादेविनिमित्तं देवीए विणिम्मियं भवणं ॥४४॥ भवणगवखंमि ट्ठिया जिणभवणपईवयं पलोयंति । कुणइ रइं रयणीए पइदियहं कणयमाला सा ॥४५।। इत्तो सा सग्गाओ जिणमइदेवीइ बोहणट्ठाए । आगंतूणं पभणइ कणगं रयणीइ पच्छद्धे ॥४६॥ जा कीलेसु किसोअरि कंचणमणिरयणघडियभवणेसु । तं जम्मंतरजिणभवणे दीवदाणस्स फलमेयं ॥४७॥
१. दइया । २. न हु । ३. पसन्नरूवं च । ४. अत्तणो । ५. जइ । ६. पुरवरीलोओ । ७. जं कीलेसि । ८. दीवयदाणस्स ।
Jain Education International 2010_02
For Private & Personal Use Only
www.jainelibrary.org
