________________
विजयचंदचरियं थोऊण जिणवरिंदं पुणो पुणो भत्तिनिब्भरमणाओ । पत्ताओ नियट्ठाणे सेवंति जहच्छियं सुक्खं ॥२८॥ धणसिरिदेवी देवाऊयंमि खीणमि निरवसेसंमि । चविऊण समुप्पन्ना हेमपुरे राइणो भज्जा ॥२९॥ नामेण केणगमाला सीसे सेसि व्व सव्वमहिलाणं । नियजीवाउ इट्ठा मयरद्धयनामधेयस्स ॥३०॥ अह तैस्स पढमयरा मइरानामेण राइणो दइया । सा परिभवदुक्खेणं मरिऊणं रक्खसी जाया ॥३१॥ कणगमालाइ सहिओ विसयसुहासत्तमाणसो राया । दोगुंदुगो व्व देवो गयं पि कालं न लक्खेइ ॥३२॥ वासहरंमि पईवा रयणीए तीइ देहकंतीए । पहया रवितेएण व नित्तेया ते पयासंति ॥३३॥ सा रक्खसी नरिंदं दइयासत्तं वियाणिउं कुद्धा । रेयणीइ अद्धरत्ते समागया राइणो पासे ॥३४॥ दाढाकरालवयणो भीसणनयणो कयंतरूवो य । मुक्को ताण वहत्थं वेउव्विय विसहरो तीए ॥३५।। सो कणयाए तेयं असहंतो लोयणे निमीलेइ । औहट्टिणय ठिओ नियकायं कुंडलीकाउं ॥३६॥ जाव न पहवइ सप्पो तो अइकोहानलेण पज्जलिया । मुक्को भीसणसद्दो पाणहरो मंदसत्ताण ॥३७॥
१. कणयमाला । २. नियजीवियाओ । ३. तीये वि य । ४. दढमइरा नाम । ५. दोगुंदुग व्व । ६. याणेइ । ७. पविट्ठा । ८. वि । ९. रयणीए । १०. कयंतरूव्वु व्व। ११. विउव्विय । १२. निमेलेउं । १३. ओहट्टेऊण । १४. कुंडलेऊणं । १५. ताव य कोवानलेण जलियाए ।
Jain Education International 2010_02
For Private & Personal Use Only
www.jainelibrary.org
