________________
७१
दीपपूजाकथानकम् ॥
जं जिणभवणपईवो विहिओ तुम्हेहिं इत्थ जम्मंमि । तस्स फलं निव्वाणं होही नत्थि त्थ संदेहो ॥५८॥ एवं मुणिवयणाओ पुव्वभवं अत्तणो सुणंतीए । जायं जाईसरणं सहस च्चिय कणगमालाए ॥५९।। पभणइ भयवं सव्वो पुव्वभवो मज्झ साहिओ तुमए । इण्डिं मए वि नायं जाईसरणेण नीसेसं ॥६०॥ इय भणिऊणं कणया सम्म पडिवज्जिऊण जिणधम्म । समयं वि य दइएणं समागया अत्तणो गेहं ॥६१।। जिणमइदेवीइ पुणो भणिया सा जामिणीइ पच्छद्धे । साहु तए पडिवंनो जिणधम्मो मेयसमो वच्छे ।।६२।। इण्हिं अहं पि चविउं सायरदत्तस्स सिट्ठिणो धूया । होहामि तए भद्दे बोहेयव्वा य जिणधम्मे ॥६३॥ एवं ति तीए भणियं विणिग्गया जिणमई निययठाणं । भुंजइ सुरसुक्खाई कणया वि य मणुयजम्मस्स ॥६४॥ जिणमइदेवी चविउं सायरदत्तस्स सिट्ठिणो धूया । सुलसागब्भुप्पन्ना नामेण सुदंसणा जाया ॥६५।। सा पढमजुव्वणत्था समागया कह वि जिणहरे दिट्ठा । कणगमालाइ भणिया सुसागयं मंज्झ सहियाए ॥६६।। ऐयं तं जिणभवणं रिसहजिणंदस्स संतियं पवरं । जम्मंतरनिम्मवियं कलसुवरिं रयणदीवं च ॥६७।।
१. नीसेसो । २. मइ विसालच्छि । ३. सुसागया । ४. तुब्भ । ★ एयं तं जिणभवणं जंमंतर दीवओ वि सो चेव ।।
अहयं सा तुह सहिया तुमं पि मह सा सही चेव ॥ इति पाठांतरम्
Jain Education International 2010_02
For Private & Personal Use Only
www.jainelibrary.org
