________________
विजयचंदचरियं विणयसिरी वि भणिया भद्दे तुह होउ धम्मसंपत्ती । इय भणिए सा पणमइ पुणो वि पयपंकयं मुणिणो ॥७२॥ चितंति दो वि हियए भयवं कह मुणइ अम्ह नामाई । अहवा इत्थ न चित्तं नाणधरा मुणिवरा हुंति ॥७३॥ धम्मं जिणपन्नतं सोऊणं मुणिवरिंदवयणाओ । पुच्छइ नियपुव्वभवं नमिऊणं मुणिवरं कुमरो ७४॥ भयवं किं पुव्वभवे बहुपुन्नं अज्जियं मए विमलं । जेण हिययस्स इटुं पत्तं रज्जं कलत्तं च ॥७॥ भणिओ तुमं महायस वणियसुओ आसि पुव्वजम्मंमि । जिट्ठा य तुज्झ इट्ठा भइणी लीलावई नाम ॥७६।। दट्ठणं पूअंती तिन्नि वि सँज्झाउ जिणवरं भत्ता । तुज्झ वि जाया सद्धा पवत्तीओ तीइ तुमयं पि ॥७७॥ जिणपूयापुन्नेणं सुरलोए भुंजिऊण सुक्खाई । तत्तो चुएण तुमए संपत्तं एरिसं रज्जं ॥७८॥ पुणरवि सुरनरसुक्खं कइवयजम्मंतराइ भुत्तूणं । पाविहिसि सिद्धिसुक्खं जिणवरपूआणुभावेण ॥७९।। पुच्छइ हरसियहियओ भयवं पूआणुभावओ भइणी । कवणं गइं गया सा संपइ पुण चिट्ठइ कत्थ ।।८०॥ भणिओ सो मुणिवइणा सोहंमे सुरसुहाई भुत्तूणं । एसा सा तुह घरिणी संजाया विधिनिओगेणं ॥८१॥
१. वि य । २. होइ । ३. गुरुणो । ४. चिंतिति । ५. चोज्जं । ६. सुहपुन्नं । ७. भइणी । ८. जम्मंतराणि । ९. हरिसिय । १०. विहि ।
Jain Education International 2010_02
For Private & Personal Use Only
www.jainelibrary.org
