________________
कुसुमपूजायां कथा ॥
सम्माणिऊण सम्मं विसज्जओ सो वि राइणा मंती । सो वि य विवाहदिवसं कहिऊण समागओ नेयरं ॥ ६३॥ *
सुरविक्कमनरवइणा पयडियगुरुगउरवेण परमेण । संमाणिऊण कुमरो पवेसिओ विमलविहवेण ॥६४॥ पाणिग्गहणर्मुहुत्ते संपत्ते भूरिमंगलवेणं । वित्तं पाणिग्गहणं कुमरीए सह कुमारेणं ॥ ६५ ॥ गमिऊणं कइ वि दिणे गुरुयपमोएण ससुरगेहंमि । पुणरवि कयसंमाणो संचलिओ निययनयरंमि ॥ ६६ ॥ विणयसिरीए सहिओ कुमरो जा जाइ रन्नमज्झमि । ता पिच्छइ आयरियं सुरमहियं साहुपरियरियं ॥६७॥ निम्मलसियवत्थधरं निम्मलसियदंतकंतिपंतिल्लं । निम्मलचउनाणजुयं निम्मलनाणं च नामेणं ॥ ६८ ॥ भणिओ विणयसिरीए सामिय दीसइ र्मुणीसरो एैस । ता गंतूणं एवं वंदामो परमभत्ती ॥ ६९ ॥
एवंति पभणिऊणं कुमरो सो नीयपरियणसमेओ । गंतूण मुणिवरिंदं वंदइ विणण परमेण ॥७०॥
दाऊण धम्मलाभं दुत्तरसंसारसायरुत्तरणं । भणिओ सो मुणिवइणा जयकुमर सुसागयं तुज्झ ॥७१॥
१. नयरिं । २. विहवेणं । ३. निमित्तं । ४. पंतिकंतिल्लं । ५. दंसेइ । ६. मुणिव । ७. इत्थ । ८. सुसंगयं ।
★ प्रत्यन्तरे ६३तमं श्लोकं पश्चाद् इदं श्लोकमस्ति -
सोहणदिणंमि कुमरो जणयाएसेण परियणसमेओ । संचलिओ य कमेणं संपत्तो सुरपुरे नयरे ॥ ६४ ॥
Jain Education International 2010_02
६१
For Private & Personal Use Only
www.jainelibrary.org
