________________
विजयचंदचरियं तेहिं वि दिटेहिं पुणो दिट्ठी न हु रमइ रोयकन्नाए । कम्मि वि कम्मवसेणं दिढे दिट्ठी धिई कुणइ ॥५४॥ चिंतइ दुक्खियहियओ तीइ पिया नूण इत्थ भेवणंमि । जो धूयाए रुच्चइ सो को वि न निम्मिओ विहिणा ॥५५।। जयकुमरस्स वि रूवं पंडए लिहिऊण दंसियं तीए । हैरिसुद्धट्ठियपुलयाए पलोइयं निद्धदिट्ठीए ॥५६॥ मुणिया सा नरवइणा जह जयकुमरंमि साणुराउ त्ति । अहवा हंसी हंसं मुत्तूण न वायसं महइ ॥५७॥ कन्नादाणनिमित्तं राया सद्दाविऊण नियमंती । पेसेइ य पउमपुरे पासे सिरिपउमरायस्स ॥५८॥ गंतूणं पउमपुरे पउमरहं पणमिऊण सो भणइ । सुरपुरनयराओ हैं समागओ तुम्हपासंमि ॥५९।। सुरविक्कमनरवइणो पभणइ मह अस्थि सुंदरा धूया । सा तुह सुयस्स दिन्ना विणयसिरी जयकुमारस्स ॥६०॥ मंतिवयणाउ तेण वि पडिच्छिया तस्स राइणो धूया । अहवा घेरमावंति को नेच्छइ अत्तणो लच्छि ॥६१।। कहिओ केन्नालाभो नखइणा तस्स जयकुमारस्स । कुमरो वि हु परितुट्ठो रिद्धीलाभेण अधणु व्व ||६२।।
१. रायधूयाए । २. भुवणे वि । ३. रच्चइ । ४. पडिए । ५. हरिसुट्ठिय । ६. निड्ड । ७. साणुराय त्ति । ८. अहं । ९. तुब्भ । १०. सुरविक्कमो नराहिव । ११. विजयकुमरस्स । १२. घरमायंती । १३. कन्नालाहो । १४. रिद्धीलाहेण । १५. अहणु व्व ।
Jain Education International 2010_02
For Private & Personal Use Only
www.jainelibrary.org
