________________
कुसुमपूजायां कथा ॥
गहियकलागमकुसलो जुव्वणलायन्नकंतिपडिपुन्नो । जाओ सो जयकुमरो पेच्चक्खं सुरकुमारु व्व ॥४४॥ ऐत्तो सुरपुरनयरे राया सुरविक्कमु त्ति नामेण । भज्जा से सिरिमाला सिरि व्व सा वल्लहा तस्स ॥४५॥ लीलावई चविऊणं सिरिमालाकुच्छिसंभवा जाया । विणयसिरी नामेणं सुरविक्कमराइणो धूया ॥५६।। जा सोहग्गगुणेणं हरिहरघरणि व्व हरइ हिययाई । निस्संगाण मुंणीण य किं पुण सेसाण पाणीणं ॥४७॥ अह अन्नदिणे जणणी उचियं नाऊण पाणिगहणस्स । पेसेइ निययधूयं नरवइणो पायमूलंमि ॥४८॥ अत्थाणंमि ठियस्स य पिउणो सो पणमिऊण पयकमलं । उवविट्ठा उच्छंगे पिउणा पुण चुंबिया सीसे ॥४९॥ दट्ठणं तं कुमरिं चिंताजलहिमि निवडिओ राया । कस्सेसा दायव्वा उचियवरो नेव दीसइ इमीए ॥५०॥ भणिया सा नियपिउणा दिढेि पक्खिवसु रायपुत्तेसु । साहसु जं मणइटुं वरेमि तं तुज्झ कज्जेण ॥५१॥ खिविऊण तेसु दिढेि पुणो वि ऐयाइ झेत्ति संवरिया । जं नयणाण न रुच्चइ तं किं हिययस्स पडिहाइ ॥५२।। तेसु विरत्तं चित्तं धूआए जाणिऊण नरनाहो । नीसेसरायरूवं पंडिलिहिउं तीइ दंसेइ ॥५३॥
१. जोयण । २. पच्चरक्खो । ३. इत्तो । ४. मुणीण वि । ५. संठियस्स उ । ६. नियपिउणो । ७. सीसे परिचुंबिया पिउणा । ८. कुमारि । ९. उचिओ वि । १०. न । ११. तीए । १२. झडत्ति । १३. सेसरायाण रूवं । १४. पडिलहियं ।
____Jain Education International 2010_02
For Private & Personal Use Only
www.jainelibrary.org
