________________
विजयचंदचरियं कुव्वंती जिणपूयं पुट्ठा इव भाउणा सिणेहेण । साहसु तुमं सहोयरि जिणवरपूयाफलं मज्झ ॥३४॥ भणिओ सुणसु सहोयर जिणवरपूआइ पावए जीवो । सुरचक्केसररिद्धी पुणो वि सिद्धी सुहसमिद्धी ॥३५॥ इह लोए वि न पहवइ उवसग्गो सेत्तुदुट्ठसंजणिओ । जो जिणवरस्स पूयं करेइ भत्तीइ सत्तीए ॥३६॥ जइ एवं ता मज्झ वि एसो वि य जावजीव नियमु त्ति । कायव्वा जिणपूया निच्चं चिय तिन्नि संज्झाओ ॥३७॥ भणिओ धन्नो सि तुमं जस्स मई तुज्झ ऐरिसा जाया । न हु जिणपूयाइ मई संजायइ मंदपुन्नस्स ॥३८॥ एवं दुन्हं पि सया जिणवरचरणच्चणंमि निरयाणं । वच्चंति ताण दियहा अखंडियनियअनियमाणं ॥३९॥ मरणे वि स नियमेणं जिणवरचलणच्चणंमि निरयाण । मरिऊणं जायाइं दुन्नि वि सोहम्मकप्पंमि ॥४०॥ भुंजंति तत्थ दुन्नि वि निच्चं हियइच्छियाइं सुक्खाइं । पुव्वसमज्जियजिणवरपूयाधम्माणुभावेण ॥४१॥ अह इत्तो पउमपुरे पउमरहो नाम नरवई वसइ । पउमानामेण पिया पाणपिया तस्स नरवइणो ॥४२॥ सो वि य सग्गाउ चुओ गुणहरजीवो वि तस्स नरवइणो । जाओ जय नाम सुओ पउमागब्भंमि संभूओ ॥४३॥
१. पुव्वि इव । २. तस्स । ३. कुणइ सया तिन्निसंज्झाओ । ४. एस च्चिय । ५. एरिसी।
Jain Education International 2010_02
For Private & Personal Use Only
www.jainelibrary.org
