________________
कुसुमपूजायां कथा ॥
सोऊण निययचरिअं मुणिवरवयणाओ ताण दुन्हं पि । जायं जाईसरणं संभरियं पुव्वभवचरियं ॥८२॥ पभणंति दो वि भयवं सच्चं तुम्हे हिं भासियं वयणं । अम्हेहिं वि विन्नायं जाईसरणेण नीसेसं ॥८३।। पभणइ सा विणयसिरी भयवं किं हुयवहंमि पविसामि । जं पुव्वबंधवो वि हु भत्तारो मज्झ संजाओ ॥८४|| धिद्धि त्ति मज्झ जम्मो भयवं लोए वि गरहिओ एस । पुव्वभवे भाया वि हु भत्तारो जम्मि संजाओ ॥८५॥ भणिया सा मुणिवइणा भद्दे मा एव दुक्खिया होहि । मरिऊण बंधवो वि हु भत्तारो होइ संसारे ॥८६॥ भयवं सच्चं एवं किन्तु न दुक्खं अयाणमाणस्स । अप्पहियं इच्छंतो जाणंतो को विसं खाइ ॥८७॥ तम्हा वियाणमाणी इच्छामि न भाउणा समं भोए । जाजीवेमि इयाणि नियमा बंभव्वयं मज्झ ॥८८॥ ता देसु मज्झ दिक्खं भयवं भवभमणदुक्खनिद्दलणिं । भणिया सा मुणिवइणा भद्दे उचिओ तुह विवेओ ॥८९॥ पभणइ जयकुमरो वि हु भयवं धिद्धि त्ति एस संसारो । जंमि मरिऊण भइणी उप्पज्जइ कम्मुणा घरिणी ॥१०॥ संसारविरत्तो वि हु पव्वज्जं पालिऊण असमत्थो । ता किं करेमि भयवं साहसु जं मज्झ करणीयं ॥९१।। जइ एवं भद्द तुमं पव्वज्जं पालिउं च असमत्थो । ता सम्मत्तविसुद्धं पडिवज्जसु सावगं धम्मं ॥९२॥ १. मब्भ । २. जावज्जीवमियाणि । ३. विवेगो । ४. कायव्वं । ५. विसुद्धो ।
Jain Education International 2010_02
For Private & Personal Use Only
www.jainelibrary.org
