________________
५६
★
जिणमइत्थंमि ठिया अहिययरं बहुलपरिमलुग्गारा । संजाया सा माला जिणवरधम्माणुभावेण ॥१५॥ दिन्नो साहुकारो तीसे सव्वेण नयरिलोएण । निम्मलसीलगुणेणं देवाण वि वल्लहा जाया ॥ १६॥ इत्तो मुणिवरजुअलं घरपरिवाडीइ तंमि समयंमि । विहरतं संपत्तं लीलावई भवणदारंमि ॥ १७ ॥ दट्ठणं मुणीजुअलं भवणदुवारम्मि सा समुद्वेडं । वंदइ परियणसहिया लीलावई परमविणएणं ॥ १८ ॥ पुज्जइ जो जिणचंदं तिन्नि वि संज्झाउ पवरकुसुमेहिं । भुंजइ सो सुरसुक्खं कमेण मुक्खं सया सुक्खं ॥१९॥ इक्केण वि कुसुमेणं भत्तीए वी अरागपूयाए । पावइ पवरविभूइं जीवो देवासुराणं पि ॥ २० ॥ जो पुण परेण रैइयं जिणपूयं मच्छरेण अवणेइ । सो भवसहस्सचक्के भमइ नरो दुक्खसंतत्तो ॥ २१॥ इह लोगंमि वि जीवो हिंडइ दारिद्ददुक्खसंतत्तो । सुहसोहग्गविहूणो जिणपूयाविग्घकरणेण ॥२२॥ सोऊण इमं वयणं पवणाहयतरुदलं व कंपंती । पेण लीलावई य भयवं निसुणेह में वयणं ||२३||
१. जिणमाला । २. तीए । ३. विहियं । ४. भवचक्कदुहट्टे । ५. भीया पभणइ लीला । ६. मह ।
★ प्रत्यन्तरे अष्टादशतमं श्लोकं पश्चाद् एतत् श्लोकमस्ति
दाउण धम्मलाभं भणिया सा मुणिवरेण जिद्वेण ।
लीलावई सुणसु तुमं महवयणं तुज्झ हियजणणं ॥ १९ ॥
Jain Education International 2010_02
विजयचंदचरियं
For Private & Personal Use Only
--
www.jainelibrary.org
