________________
अक्षतपूजाविषये कथा ॥
तीए वि उट्ठणं भणिया जयसुंदरी वि नमिऊणं । खमसु तुमं पि महासइ जं जणियं तुज्झ सुयदुक्खं ॥१८७॥ भणिया गुरुणा दुन्न वि जं बद्धं मच्छरेण गुरुकम्मं । तें अज्ज खामणाए खवियं तुम्हेहिं नीसेसं ॥१८८॥ भणइ नरिंदो भयवं अन्नभवे किं कयं मए कम्मं । जेण सह सुंदरीए कुमरेण य पावियं रज्जं ॥१८९।। जह सुगजम्मं तए जिणपुरओ अक्खए खिविऊणं । संपत्तं देवत्तं रज्जं तह साहियं गुरुणा ॥१९०॥ जं जम्मंतरविहियं अक्खयपुंजत्तयं जिणिंदस्स । तस्स फलं तुह अज्ज वि तइयभवे सासयं ठाणं ॥१९१।। इय भणिए सो राया रज्जं दाऊण रईय पुत्तस्स । जयसुंदरिकुमरजुओ पव्वईओ गुरुसमीवंमि ॥१९२।। पव्वज्जं पालेउं सहिओ देइआए तह य पुत्तेण । मरिऊण समुप्पन्नो सत्तमकप्पंमि सुरनाहो ॥१९३॥ तत्तो चुओ समाणो लभ्रूण सुमाणुसत्तणं परमं । पाविहिसि कम्ममुक्को अक्खयसुक्खं गओ मुक्खं ॥१९४॥ जह राया तह जाया कुमरो देवत्तणंमि जो देवी । चत्तारि वि पत्ताइं अक्खयसुक्खंमि मुक्खंमि ॥१९५॥
__ पूजाष्टके तृतीयकथानकं संमत्तम् । इति अक्षतदेवपूजायां कथानकं समाप्तम् ॥३॥
१. दुन्नि वि । २. वा । ३. खमियं । ४. अह । ५. अक्खयेहिं ठविऊण । ६. पुण रज्जं । ७. रईइ पुत्तस्स । ८. गुरुसयासंमि । ९. दइयाइ । १०. पुत्तेहिं । ११. सासयसुक्खं । १२. सा । १३. सासयसुक्ख त्ति मुक्ख त्ति ।
___Jain Education International 2010_02
For Private & Personal Use Only
www.jainelibrary.org
