________________
विजयचंदचरियं अलियं न तुम्ह वयणं बीओ पुत्तो वि तीय से नत्थि । इय विहडिय कज्जं पिव संतावं संसओ कुणइ ॥१७७॥ भणइ मुणिंदो नरवर सच्चं मा कुणसु संसयं एत्थ । भयवं कहसु कहं चिय अइगरुअं कोउअं मज्झ ॥१७८।। कुलदेवयपूयाए वुत्तंतो ताव तस्स परिकहिओ । जा वेयड्डपुराओ समागओ तंमि उज्जाणे ॥१७९ ॥ विप्फारियनयणजुओ जोयइ नरवई तैमुज्जाणं । तो विहडियसंदेहो कुमरो वि हु नमइ तं जणयं ॥१८०|| आलिंगिऊण पुत्तं अंसुजलभरियलोयणो राया । रोयंतो बहुदुक्खं दुक्खेण य बोहिओ गुरुणा ॥१८१॥ जयसुंदरी वि पइणो चलणे गहिऊण तीए तह रुन्नं । जह देवाण वि परिसा बहुदुक्खसमाउला जाया ॥१८२।। पुट्ठो य रुंयंतीए भयवं मह केण कम्मणा एसो । जाओ पुत्तविओगो सोलस वरिसाण अइदुसहो ॥१८३॥ सोलस मुहुत्तगाइं सूइभवे जं सूई दुहे ठविया । अंडं हरिऊण तए सुअविरहो तेण तुह जाओ ॥१८४।। जो दुक्खं व सुहं वा तिलतुसमित्तं पि देइ अन्नस्स । सो बीअं व सुखित्ते परलोए बहुफलं लहए ॥१८५॥ सोउं गुरुणो वयणं गुरुपच्छायावतावियमणाए । जम्मंतरदुच्चरियं खमाविया सा रई तीए ॥१८६।।
१. पुत्तु त्ति । २. तीइ सो । ३. इत्थ । ४. कुलदेवयवुत्तंतो सव्वो वि हु । ५. वित्थारिय । ६. तमुज्जाणे । ७. तो । ८. गुरू तीए । ९. वरिसाणि । १०. होइ ।
★ रोयंतो वि हु दुक्खं दुक्खेण वी बोहिओ गुरुणा ॥ इति पाठांतरम् ★★ जह देवाण वि दुक्खं परिसामज्झे समावन्नं ॥ इति पाठांतरम्
___Jain Education International 2010_02
For Private & Personal Use Only
www.jainelibrary.org
