________________
अक्षतपूजाविषये कथा ॥
भणिओ कुमरेण पुणो एसा जा ताय आणिया नारी । . सा वानरीए सिट्ठा एसा तुह जम्मजणणि त्ति ॥१६७।। मुणिणा वि हु पुढेणं एयं चिय साहिऊण भणिओ हं । हेमपुरे गंतूणं पुच्छसु तं केवलि एयं ॥१६८॥ तो ताय तत्थ गंतुं पुच्छामो केवलिं निरवसेसं । जेणेसो संदेहो तुट्टइ मह जुन्नतंतु व्व ॥१६९।। ईय भणिऊणं कुमरो चलिओ सह निययजणणिजणएहिं । संपत्तो हेमपुरे केवलिणो पायमूलंमि ॥१७०।। भत्तिभरनिब्भरंगो केवलिणो पायपंकयं नमिउं । उवविट्ठो धरणियले सपरियणो सुरकुमारु व्व ॥१७१।। जयसुंदरी वि देवी बहुनारिसहस्समज्झयारम्मि । नियपुत्तेण समेया निसुणइ गुरुभासियं वयणं ॥१७२।। हैमपभो वि य राया नियपुरनरनारिलोयपरियरिओ । उवविठ्ठो गुरुमूले निसुणइ गुरुभासियं वयणं ॥१७३।। पत्थावं लहिऊणं नरनाहो भणइ केवलिं नमिउं । भयवं सा मह भज्जा जयसुंदरी केण अवहरिया ॥१७४|| भणिओ सो केवलिणो हरिया नरनाह निययपुत्तेण । विम्हियहियओ पभणइ भयवं कह तीए पुत्तु त्ति ॥१७५।। जो आसि तीए पुत्तो सो बालो चेव हेयकयंतेण । कवलीकओ महायस बीओ पुत्तो वि से नत्थि ॥१७६।।
१. ता । २. मह । ३. सविसेसं । ४. ता । ५. तो कुमारो य । ६. हेमप्पहो य । ७. जिणदेसियं धम्मं । ८. तणएण । ९. विमियहियओ । १०. हत । ११. पुत्तु त्ति । १२. तं । ___★ इय भणिऊणं चलिओ सहिओ सह जणणिजणयलोएहिं । इति पाठांतरम्
___Jain Education International 2010_02
For Private & Personal Use Only
www.jainelibrary.org
