________________
विजयचंदचरियं पुच्छइ संसयहियओ कुमरो तं वानरं पयत्तेणं । भद्दे किं सच्चमिणं जं तुमए भासियं वयणं ॥१५७॥ तीए भणियं सच्चं जइ अज्ज वि तुज्झ अत्थि संदेहो । ता एयंमि निगुंजे पुच्छसु वरनाणिणं साहुं ॥१५८।। इय भणिऊणं सहसा वानरजुअलं असणीहूअं । सो वि य विम्हियहियओ पुच्छइ तं मुणिवरं गंतुं ॥१५९॥ भयवं किं तं सच्चं जं भणियं वानरीए मह पुरओ । मुणिवइणा वि हु भणिओ सच्चं तं होइ न हु अलिअं ॥१६०॥ निच्चं चिट्ठामि ठिओ कम्मक्खयकारणंमि ज्झायंतो । हेमपुरे सविसेसं साहिस्सइ केवली तुज्झ ॥१६१ ॥ इय भणिओ तं नमिउं सहिओ जणणी एसो गओ गेहं । जणणिजणएहिं दिट्ठो हरिसियहियएहिं सो विमाणी ॥१६२।। एगते ठविऊणं चलणवैलग्गेण पुच्छिया जणणी । अम्मो साहिह फुडं कह जणणी मज्झ को जणओ ॥१६३।। चिंतइ सा संविइक्का किं एसो अज्ज पुच्छए ऐयं ।। पभणइ पुत्तय अहयं तुह जणणी एस जणउ त्ति ।।१६४।। सच्चं अम्मो एयं तह वि हु पेच्छामि जम्मदायारे । तं परमत्थं पुत्तय तुह जाणइ एस जणउ त्ति ॥१६५।। तेण वि परितुद्वेणं कहिउँ पडलाइवइयरो तस्स । तह पुण जणओ पुत्तय विन्नाओ को वि न हो सम्मं ॥१६६।।
१. इत्थ तुज्झ । २. मुणिवयणा । ३. ज्झाणंमि । ४. चित्तेहिं । ५. विमणो । ६. विलग्गेण । ७. साहेसु । ८. का । ९. सवियप्पा । १०. एवं । ११. पुच्छामि । १२. कारणं किं तु । १३. विन्नाउ किंचि न हु सम्म ।
Jain Education International 2010_02
For Private & Personal Use Only
www.jainelibrary.org
