________________
अक्षतपूजाविषये कथा ॥
एवं दुक्खियहियओ चिट्ठइ राया नियम्मि नयरंमि । अहवा घरिणीहरणे भण कस्स न जायए दुक्खं ॥१४७।। अवहिविसएण नाउं पुत्तं तं सूइगाइदेवीए । मह भाया नियजणणी घरिणीबुद्धीए अवहरए ॥१४८॥ नियपुरपच्चासन्ने सरवरपालीइ चूयछायाए । जणणीसहिओ कुमरो जा चिट्ठइ ताव सा देवी ॥१४९॥ वानररूवं तह वानरीए काऊण चूयसाहाए । पभणइ वानररूवी कामूय तित्थं इमं भजे ॥१५०॥ तिरिओ वि एत्थ पडिओ तित्थपभावेण लहइ मणुअत्तं । मणुओ वि हु देवत्तं पावइ नत्थि त्थ संदेहो ॥१५१॥ ता पैच्छसु दोन्नि वि माणुसाई पच्चक्खदेवभूआई । एआई मणे काउं निवडामो इत्थ तित्थंमि ॥१५२।। जेण तुमं माणुसिआ अहं पुण एरिसो मणुस्सु त्ति । होहामि त्ति पभणिअं को नाम गिन्हइ इमस्स ॥१५३।। जो निअजणणि पिइहं घरिणीबुद्धीइ नेइ हरिऊणं । तस्स वि पावस्स तुमं सामियरूवम्मि अहिलासो ॥१५४॥ सोऊण वानरीए तं वयणं दो वि विम्हिअमणाई । चिंतंति कहं एसा मह जणणी सावि कह पुत्तो ॥१५५।। नेहेणं हेरिए वि हु एसा मह जणई जणणिबुद्ध त्ति । सा वि य चिंतइ एसो मह पुत्तो उअरजाउ त्ति ॥१५६॥
१. नायं । २. पिच्छसु । ३. देवरूवाइं । ४. अहयं । ५. हरिया वि हु । ६. बुद्धि त्ति ।
Jain Education International 2010_02
For Private & Personal Use Only
www.jainelibrary.org
