________________
४८
इय संसयहिययाए परमत्थं साहिऊण सा भणिया । नियपुत्तविरहियाणं अम्हाणं एस त्तो ति ॥१३७॥ पडिवज्जिऊण ऐयं नीओ नयरंमि सो य पइदियहं । परिवड्ढेइ कैलाहिं सियपक्खगओ मियंकु व्व ॥१३८॥ सो वि य रई मयबालं सीसोवरि नामिऊण देवीए । अफालइ तं पुरओ वत्थं व सिलायले तुट्ठा ॥ १३९॥
विजयचंदचरियं
गंतूण तओ भवणे संपुन्नमणोरहा सुहं वसइ । जयसुंदरी वि दियहा सुयविरहे दुक्खया गमइ ॥ १४०॥ कयविज्जाहरनामो मयणकुमारु त्ति गहियवरविज्जो । वच्चतो गयणयले पिच्छड़ तं अत्तणो जणणि ॥ १४१ ॥ भवणगवक्खारूढा सुयसोयब्भरंतनयणसलिलोहा । अइनेहनिब्भरेणं उक्खित्ता मयणकुमरेण ॥१४२॥ तं दट्टुण कुमारं हॅरिसवसद्धं च नयणसलिलेन । सिंचंती य अवलोयइ पुणो पुणो निद्धदिट्ठीए ॥१४३॥ उब्भियवाहो लोओ धाहावइ पुरवईए मज्झमि । एसा हैरिज्जइ घरिणी नरवइणो उच्चकंठेणं ॥ १४४ ॥ अइसूरो वि हु राया पयचारी किं करेइ गणत्थे । खेज्जउ किं कुणइ फले तरुसिहरपट्ठिए दिट्ठे ॥ १४५॥ चितइ ममि राया दुक्खं खयखारसंनिहं जायं । ऐगें सुअस्स मरणं बीअं पुण भारियाहरणं ॥ १४६ ॥
१. पुत्तुति । २. एवं । ३. कलाहि य । ४. सियपक्खाओ । ५. सावि रई । ६. अप्फालइ । ७. जयसुंदरी । ८. हरिससमुल्लासिलोयणजलेण । ९. पुरवरीइ । १०. गहिज्जइ । ११. गयणयले । १२. खज्जओ । १३. इक्कं ।
Jain Education International 2010_02
For Private & Personal Use Only
www.jainelibrary.org
