________________
अक्षतपूजाविषये कथा ॥
अम्हि वि नाह ऐवं अक्खयपुंजत्तएण जिणनाहं ।। पूएमो अँचिरेणं सिद्धिसुहं जेण पावेमो ॥८७॥ एवं तीए भणिऊणं चंचुपुडे खिविय चोक्खक्खएहिं । रइअं जिणिंदपुरओ पुंजतिअं कीरमिहुणेण ॥८८॥ भणिअं अवच्चजुअलं जणणीजणएहिं जिणवरिंदस्स । पुरओ मुंचह अक्खे पावह जेणक्खयं सुक्खं ।।८९।। इय पइदियहं काउं अक्खयपूअं जिणंदभत्तीए । आयुक्खये गयाइं चत्तारि वि देवलोगंमि ॥९०॥ भुत्तूण देवसुक्खं सो सुअजीवो पुणो वि चविऊणं । संजाओ हेमपुरे राया हेमप्पहो नाम ॥९१॥ सो वि य सूईजीवो तत्तो चविऊण देवलोगाओ । हेमप्पहस्स भज्जा जाया जयसुंदरी नाम ॥९२॥ सा पच्छिमा वि सूई संसारे हिंडिऊण का जाया । हेमप्पहस्स रन्नो रइनामा भारिया दुइया ॥१३॥ अन्नाओ वि कमेणं पंचसया जोव भारिया तस्स । जोयाओ पुण इट्ठा पढमा ते भारिया दो वि ॥९॥ अह अन्नया नरिंदो दूसहजरतावतावियसरीरो । चंदणजलुल्लिओ वि हु लोलइ भूमीए अप्पाणं ॥९५।। एवं असणविहूणो चिट्ठइ जा तिन्नि सत्तए राया । ता मंततंतकुसला विज्जा वि परंमुहा जाया ॥९६।।
१. अम्हे वि । २. एयं । ३. अवरेणं । ४. पावेमि । ५. ठविय । ६. पयदियहं । ७. आउक्खएण । ८. चत्तारि उ । ९. देवलोए । १०. संजाया । ११. बीया । १२. चेव ।
* संजाया पुण इट्टा पढमाओ भारिया दुन्नि || इति पाठांतरम्
o
Jain Education International 2010_02
For Private & Personal Use Only
www.jainelibrary.org
