________________
४४
विजयचंदचरियं उग्घोसियइ सत्ती दिज्जंति य बहुविहाइं दाणाई । जिणभवणेसु पूआ देवयआराहणाओ य ॥९७॥ . रयणी य पच्छिमद्धे पयडीहोऊण रक्खसो भणइ । किं सुत्तो सि नरेसर भणइ निवो कहणु मह निद्दा ॥९८॥ ओआरणं करेउं अप्पाणं जइ नरिंद तुह भज्जा । पक्खिवइ अग्गिकुंडे तो जीअं अन्नहा नत्थि ॥९९॥ इअ भणिऊण नरिंदं विणिग्गओ रक्खसो निययठाणं । राया विम्हियहियओ चिंतइ किं ईदजालु त्ति ॥१००।। किं वा दुक्खत्तेणं अज्ज मए किं एस सुविणगो दिट्ठो । अहवा न होइ सुविणो पच्चक्खो रक्खसो एस ॥१०१॥ इत्तो वियप्पसहिया वोलीणा जामिणी नरिंदस्स । उदयाचलम्मि चडिओ सूरो वि हु कमलिणीनाहो ॥१०२।। रयणीए वुत्तंतो नरवइणा साहिओ सुमंतिस्स । तेण वि भेणिउं किज्जाउ देव इमं जीयकज्जंमि ॥१०३।। परजीएणं नियजीयरक्खणं न हु कुणंति सप्पुरिसा । ता होउ मज्झ विहियं इय भणिओ राइणा मंती ॥१०४|| सद्दाविऊण सव्वाओ मंतिणा नरेवयस्स भज्जाओ । कहिओ रक्खसभणिओ वुत्तंतो ताण नौसेसो ॥१०५॥ सोऊण मंतिवयणं सव्वाओ नियजियस्स लोहेण । ठाउं अहोमुहीओ न दिति मंतिस्स पडिवयणं ॥१०६॥
१. उग्घोसिज्जइ संती । २. संपूया । ३. मे । ४ उत्तारणं । ५. नियं ठाणं । ६. इंदजालमिणं । ७. सुमिणगो । ८. सुमिणो । ९. उदयाचलंमि चलिउ । १०. समंतिस्स । ११. भणियं । १२. नरवइस्स । १३. नीसेसा । १४. जीवियस्स । १५. लोभेण ।
____Jain Education International 2010_02
For Private & Personal Use Only
www.jainelibrary.org
