________________
विजयचंदचरियं जा पच्छिमा न पिच्छइ समागया तत्थ अत्तणो अंडं । तो सफरि व्व विलोडइ धरणियले दुक्खसंतत्ता ॥७७।। तं विलवंति दटुं पच्छायावेण तेवियहिययाए । पढमाए नेऊणं पुणो वि तत्थेव तं मुक्कं ॥७८।। धरणियले लुलिऊणं अंबं आरुहई जाव नीडंमि । ता पिच्छइ तं इंडं सा कीरिय अमयसित व्व ॥७९॥ बद्धं च तं निमित्तं कम्मं पढमाए दारुणविवागं । पच्छायावेण हयं धरियं चिय एगभवदुक्खं ॥८०॥ तंमि य अंडयजुयले संजाया सूइगा य सुअगो अ । कीलंति वणनिगुंजे समयं चिअ जणणिजेणगेहिं ॥८१।। रइए तंदुलकूडे नरवइवयणाउ सालिखित्तंमि । चंचुपुडे गहिऊणं वच्चइ तं कीरमिहुणं ति ॥८२।। अह अन्नया कयाई चारणसमणो समागओ नाणी । रिसहजिणेसरभवणे वंदणहेउं जिणिदस्स ।।८३॥ पुरनरनारिनरिंदो देवं पुष्कक्खएहिं पूएउं । पुच्छइ नमिऊण मुणिं अक्खयपूयाफलं राया ||८४।। अखंडफुडियचोक्खक्खएहिं पुंजत्तयं जिणंदस्स । पुरओ नरा कुणंतो पावंति अखंडियसुहाई ॥८५॥ इय गुरुवयणं सोउं अक्खयपूआ समुच्छलं लोओ । दट्ठणं सा सुई पभणइ निअअत्तणो कंतं ॥८६॥
१. सहस त्ति ताव पडिया । २. ताविया हियए । ३. पुणो वि आरुहइ जाव निलयंमि । ४. अंडं । ५. जणएण । ६. अह अन्नया नरिंदो । ७. उज्जुयं । ८. भत्तीइ निय ।
Jain Education International 2010_02
For Private & Personal Use Only
www.jainelibrary.org
