________________
अक्षतपूजाविषये कथा ॥
भणिओ मंतीहिं निवो किज्ज उ एयाइ अग्गिसक्कारो । भणिया ते नरवइणा मज्झ वि किज्जउ सह इमाए ॥४८॥ चलणविलग्गो लोओ पभणइ न हु देव एरिसं जुत्तं । भणइ सुदुक्खं राओ नेहस्स न दुन्नि मग्गाओ ॥४९।। ता मा कुणह विलंबं कड्डह लहु चंदणिंधणं पंउरं । इय भणिऊणं राया संचलिओ पिअयमासहिओ ॥५०॥ वज्जिरतूररवेणं रोविरनरनारिपउरनिवहेण । पूरितो गयणयलं संपत्तो पेयठाणंमि ॥५१॥ जा विरइऊण चिअयं राया आरुहइ पिअयमासहिओ । ता दूराओ रुयंती पत्ता परिवाइया तत्थ ॥५२॥ भणिओ तीए तुमयं मा एवं देव साहसं कुणसु । भणियं तुमए भयवइ मह जीयं पिअयमासहियं ॥५३॥ जइ एवं ता विसहसु खणमेगं मा हु कायरो होसु । जीवावेमि अवस्सं तुह दइअं लोअपच्चक्खं ॥५४॥ तं वयणं सोऊणं ऊससियं तस्स राइणो चित्तं । न हु जीवियस्स लाहे जह लाहे तीइ भज्जाए ॥५५।। जायवइ कुणसु पसायं जीवावसु मज्झ वल्लहं दइअं । तीए वि हु देवीए दिन्नो संजीवणीनासो ॥५६॥ तस्स पभावेणं चिय सा देवी सयललोयपच्चक्खं । उज्जीविया य समयं नरवइणो जीवियासाए ॥५७।।
१. कीरउ । २. सदुक्खं । ३. दोन्नि वड्डाओ । ४. कड्डहु लहु चंदणं इमं पवरं । ५. पूरंतो । ६. चियगं । ७. भणंती । ८. एगा । ९. भणिया । १०. भगवइ । ११. समगं ।
Jain Education International 2010_02
For Private & Personal Use Only
www.jainelibrary.org
