________________
४०
विजयचंदचरियं तं जीवियं ति नाउं आणंदजल्लुल्ललोयणो लोओ । नच्चइ उब्भियबाहो वज्जिरबहुतूरनिवहेण ॥५८॥ सव्वंगाभरणेहिं पाए परिवाइआइपूएणं । पभणइ अज्जे अज्जं जं मग्गसि तं पणामेमि ।।५९।। भणिओ तीए राया सुपुरिस मह नत्थि किं पि करणिज्जं । भिक्खागहणेण अहं संतुट्ठा नयरमज्झमि ॥६०॥ गयवरखंधारूढं काऊणं निययपिययमा राया । संपत्तो नियभवणे आणंदमहूसवं कुणइ ॥६१॥ फलिहमयभित्तिघडिआ कंचणसोवाणथंभनिम्मविया । काराविया निवेणं मढिया अज्जाइ तुट्टेणं ॥६२।। पव्वइया सा नरवर मरिऊणं अट्टज्झाणदोसेणं । संजाया सुहसूइ सा हं पत्ता तुह सयासे ॥६३।। दट्ठणं देव तुमं तुह पासपरिट्ठियं महादेवि । जायं जाईसरणं संभरिअं तुह मए चरिअं ॥६४॥ सोऊण तीइ वयणं रौवंती भणइ सा महादेवी । भयवइ कह मरिऊणं संजाया पक्खिणी तुमयं ॥६५॥ मा ' रेसि किसोयरि दुक्खित्ता अज्ज मज्झ जम्मे । कम्मवसेणं जीवो त नत्थिह जं न पावेइ ॥६६॥
१. आणंदजलोहहरिसिओ राया । २. ताहे परिवाइयं च पूएउं । ३. सुपुरिस । ४. तुब्भनयरंमि । ५. पिययमं । ६. अटज्झाण । ७. हं सूइ । ८. सा संपत्ता । ९. पइट्ठियं । १०. वज्जरियं तुब्भ चरियं च । ११. रोयंती । १२. य तुमं । १३. झुरेसु। १४. दुक्खंता । १५. जीवाणं । १६. तं नत्थि जं न संभवइ ।
Jain Education International 2010_02
For Private & Personal Use Only
www.jainelibrary.org
