________________
३७
अक्षतपूजाविषये कथा
नरवइणो हं भज्जा बहुभज्जो एस मज्झ भत्तारो । कम्मवसेणं जाया सव्वेसिं दूहवा अहयं ॥२८॥ ता तह कुणसु पसायं भयवइ जह होमि वल्लहा पइणो । मह जीविएण जीवइ मरइ मरंतीइ किं बहुणा ॥२९॥ भणिया एसा वेच्छे गिन्हाइ तुम ओसहीवलयं । तं देसु तस्स पाणे जेण वसे होइ तुह भत्ता ॥३०॥ भयवइ भवणपवेसो वि नत्थि कह दंसणं समं तेणं । कह ओसहीवलयं देमि अहं तस्स पाणंमि ॥३१॥ जइ एवं ता भद्दे गहिऊणं अज्ज महसयासाओ । साहुसु एगग्गमणा मंतं सोहग्गसंजणणं ॥३२।। भणिऊण सुहमुहत्ते दिन्नो पव्वाइयाइ सो मंतो । पूअं काऊण पुणो तीए वि पडिच्छिओ विहिणा ॥३३।। जा झायइ सा देवी तं मंतं पइदिणं पयत्तेण । ता सहसा नरवइणा पडिहारी पेसिया भणइ ॥३४॥ आणवइ देवि देवो जह तुमए अज्ज वासभवणंमि । आगंतव्वमवस्सं कुवियप्पो नेव कायव्वो ॥३५।। रेयणीकयसिंगारा समंतओ रोयलोयपरियरिया । कैरिणीखंधारूढा समागया रायभवणंमि ॥३६॥ नरेवरकयसंमाणा दोहग्गं देवि सेसमहिलाणं । सोहग्गं सहिऊण संजाया सा महादेवी ॥३७||
१. दूहगा । २. तीए । ३. गिएहाहि । ४. ते । ८. पाणिमि । ६. महसगासाओ। ७. झाएसु य एगमणा । ८. सुहमहुत्ते । ९. अहियं । १०. राउलेण । ११. करणि । १२. नरवइ । १३. देइ ।
Jain Education International 2010_02
For Private & Personal Use Only
www.jainelibrary.org
