________________
३६
विजयचंदचरियं पभणइ सूई पहणसु निस्संको अज्ज मज्झ देहमि । मुंचसु सामिय एवं मह जीवियदायगं जीयं ॥१८॥ तुह सालीए उवरिं संजाओ देव डोहलो मज्झ । सो तणसरिसं काउं नियजीयं मैह विओयंमि ॥१९॥ हसिऊण भणइ राया कीर तुमं पंडिउ त्ति विक्खाओ । महिलाकज्जे जीयं जो चयसि वियक्खणो कह णु ॥२०॥ पभणइ सूई सामिय अच्छउ ता जणणिजणयवित्ताई । नियजीवियं पि छड्डुइ पुरिसो महिलाणुराएण ॥२१॥ तं नत्थि जं न कीरइ वसणासत्तेहिं कामलुद्धेहिं । ता अच्छइ इयरजणो हरेण देहट्ठयं दिन्नं ॥२२॥ जह सिरिदेवीइ कए देव तुमं जीवियं पि छेड्डेह । तह अन्नो वि हु छड्डइ को दोसो इत्थ कीरस्स ॥२३॥ तीइ वयणेण राया चिंतइ हियएण विम्हियं इंतो । कह एसा पक्खिणीया वियाणए मज्झ वुत्तंतं ॥२४|| पभणइ राया भद्दे दिटुंतो कह कओ अहं तुमए । साहसु सव्वं एयं अइगरुयं कोउयं मज्झ ॥२५॥ पभणइ कीरी निसुणसु दिटुंतो इत्थ जह तुम जाओ । आसि पुरा तुह रज्जे सामिय परिवायगा एगा ॥२६॥ बहु कूडकवडभरिया भत्ता जा रुद्दखंददेवाणं । सा तुह भज्जाइ चिरं सिरियादेवीए उवयरिया ॥२७॥
१. परसु । २. दइयं । ३. पूरिउं इमिणा । ४. महिलाण रागेण । ५. छड्डितो । ६. पत्तो । ७. बहु । ८. देवीइ ।।
* प्रत्यन्तरे २२तमं श्लोकं नास्ति ।
Jain Education International 2010_02
For Private & Personal Use Only
www.jainelibrary.org
