________________
विजयचंदचरियं जं माओ वि विसुद्धो निच्चं चिय निम्मलाउ अंगाउ । उच्छलइ धूयगंधो धूवंतो परियणं सेयलं ॥१२४॥ वाहरइ जेण लोओ सिट्ठी पुत्तु त्ति धूयगंधु त्ति । तेणं चिय से जायं नामं से धूयसारु त्ति ॥१२५।। लोगो धूवियवत्थो सुअंधदेहेण धूयसारस्स । वच्चइ नरिंदभवणं पुच्छइ तं विम्हओ राया ॥१२६।। साहेह कत्थ लद्धो देवाण वि वल्लहो इमो धूवो । जेण सुअंधोगंधो संजाओ तुम्ह वत्थेसु ॥१२७।। पभणइ लोगो सामिय धूवेण न धूवियाई वत्थाई । धूवावियं पयत्ता देहेणं धूयसारस्स ||१२८॥** संजायमच्छरेणं रन्ना सद्दाविऊण सो पुट्ठो । केण य धूवेण गंधो देहाओ तुह समुच्छलिओ ॥१२९।। गंधसारेण भणी(णि)यं न हु एसो सामि धूयगंधु त्ति । महदेहाउ समुत्थो एसो साहाविओ गंधो ॥१३०॥ असुइविलित्तं काउं एयं ठावेह नयरमज्झमि । इय रुद्रुणं रन्ना आइट्ठा अत्तणो पुरिसा ॥१३१।।
१. तस्स निम्मलंगाओ । २. सव्वं । ३. सिट्ठी पुत्तो य धूयगंधेण । इति द्वितीयपादः । ४. संजायं । ५. धूयसारो य । ६. सुगंधदेहेण । ७. सुगंधो । ८. लोओ। ९. धूवेण केण । १०. धूयसारेण । ११. आउत्ता ।
★ संसग्गाओ एसो संजाओ धूयसारस्स ॥ इति पाठांतरम् ★★ सोऊणं इमं वयणं नरवइमहिलाओ नियवत्थाई ।
धूआविउं पयत्ता देहेणं धूयसारस्स ॥ इति पाठांतरम्
Jain Education International 2010_02
For Private & Personal Use Only
www.jainelibrary.org
