________________
धूपपूजाकथानकम् ॥
धन्ना सा जीय तुमं अंगे ठाऊण पाइयं खीरं । इय पभणंती कमला निंदइ तं अत्तणो जम्मं ॥११४|| काराविण राया नियपुत्तसमागमुच्छवं नयरे । पुत्तस्स निययरज्जं दाऊणं अह समाढत्तो ॥११५।। भणिओ य पुत्त गिण्हसु मह रज्जं जणवयंमि वैक्खायं । अहयं पुण पव्वजं पडिवज्जिस्सं जिणमयंमि ॥११६।। धिद्धि त्ति इमं रज्जं जस्स कए नियसुओ वि तं वच्छ । बालो वि हु परिचत्तो नेऊणं रन्नमज्झमि ॥११७॥ जह वेरग्गनिमित्तं जाओ हं तुज्झ रेज्जचायंमि । तह मज्झ वि ताय तुमं जाओ वेरग्गहेउ त्ति ॥११८॥ त गिहिस्सं दिक्खं रज्जं पुण देह विमलकुमरस्स । इय निच्छिउं मुणेउं रज्जे संठविओ विमलो ॥११९॥ विनयधरो वि रज्जं निअयं दाऊण सत्थवाहस्स । पिउणासह पव्वइओ पासे मुणि विजयसूरिस्स ॥१२०॥ उग्गं तवो विहाणं काऊणं संजमंमि उज्जुत्ता । मरिऊण समुप्पन्ना माहिंदे सुरवरा दो वि ॥१२१।। भुत्तूण तत्थ सुक्खं दुन्न वि चविऊण आउयखयंमि । जणओ जाओ राया खेमपुरे पुन्नचंदु त्ति ॥१२२॥ पुत्तो वि तंमि नयरे खेमंकरनामधेयसिट्ठिस्स । पुत्तो विणयमईए गब्भे भज्जाए जोउ त्ति ॥१२३।।
१. जीइ । २. वि नियरज्जं । ३. विक्खायं । ४. पुत्त । ५. रज्जकज्जंमि । ६. गिन्हेसु । ७. निच्छयं । ८. पिउणो 1 ९. भोए । १०. दुन्निओ । ११. पुन्नचंदो त्ति । १२. जाउ य ।
Jain Education International 2010_02
For Private & Personal Use Only
www.jainelibrary.org
