________________
२८
विजयचंदचरियं तेण वि सासंकेणं जा मुक्का बाणवद्धई पिउणो । सा धयछत्ते छित्तुं माणु व्व विणिग्गया तुरियं ॥१०५।। जणओ वि हु परिकुद्धो जाव सरं कुणइ निययकोदंडे । तो जक्खेणं धरिओ थंभेउं चित्तलिहिओ व्व ॥१०६॥ दिज्जइ चंदणपंको अभितरतावताविए देहे ।। नरवइणो भिच्चेहिं विणयंधरो भणइ ते हसिउं ॥१०७|| मुत्तं चंदणपंकं असुईपंकेण सामिणो देहं । आलिंपह भो भिच्चा जेणेस पणासए तावो ॥१०८।। भणिओ जक्खेण तओ मा पभणसु वच्छ एरिसं वयणं । जइ वि तुमं परिचत्तो तह वि हु तुह एस जणउ त्ति ॥१०९।। नरनाहो वि हु भणिओ परिभवजणियं विमुंच संतावं । सो एस तुज्झ पुत्तो जो चत्तो रन्नमज्झमि ॥११०॥ सोऊण जक्खवयणं अमएण व सिंचिओ नरवरिंदो । पुत्तो वि तस्स पणओ खामइ नियन्नयं सव्वं ॥१११।। आलिंगिऊण पिउणा सीसे परिचुंबिओ सिणेहेण । भणिओ अ खमसु पुत्तय जं तुज्झ दुचिट्ठियं विहियं ॥११२।। मुचंती थणछीरं दूराओ धाविऊण नियजणणी । आलिंगिऊण चुंबइ सूयं गोवि व्व नियवच्छं ॥११३।।
१. बाणपद्धई । २. सा विय 1 ३. माण व्व । ४. परिकुविओ । ५. मुयइ । ६. दिज्जउ । ७. अभितरि । ८. भणिए तो भणइ विणयंधरो ॥ इति चतुर्थपादः । ९. मुत्तुं । १०. पणासई । ११. तो । १२. तु मुंच । १३. अमिएण व । १४. नरनाहो । १५. पुरओ । १६. दुक्कियं । १७. थणखीरं ।
★ ता जक्खेणं धरिओ थंभिउ चित्तलिहिय व्व ॥ इति पाठांतरम्
Jain Education International 2010_02
For Private & Personal Use Only
www.jainelibrary.org
