________________
२७
धूपपूजाकथानकम् ॥
कमलागेब्भउप्पन्नो जह एसो छडिओ य रन्नंमि । भारंडपक्खिगहिओ पंडिओ जह कूवमझमि ॥९५।। पुव्वपडिएण पेत्तो समप्पिओ जह य सत्थवाहस्स । तं सव्वं साहेउं जक्खो अइंसणीहूओ ॥९६।। सोऊण जक्खवयणं हरिसियहियओ भणइ नरनाहो । जह एस भाइणेओ मह कमलाभइणि पुत्त त्ति ॥९७।। आणंदियहियएणं दिन्ना विणयंधरस्स सा कन्ना । तेण वि सा भाणुमई परिणीया वरविभूईए ॥९८॥ पत्तं च महारज्जं जाया वंसस्स पायडा सुद्धी । पैहयं कम्मगरतं जिणंदपूआपभावेण ॥९९।। गुरुअमरिसं वहंतो पिउणो उवरिं महंतसिन्नेणं । संचलिओ विणयंधरो संपत्तो पोयणपुरंमि ॥१००॥ वामं अंगं वामं च लोयणं वामगं च सीसद्धं । कमलाए जणणीए विफुरियं तंमि सेमयंमि ॥१०१॥ अमुणियसुयवुत्तंतो समच्छरो वइरसीहनरनाहो । संनद्धबद्धकवओ विणिग्गओ अभिमुहो तस्स ॥१०२।। संजायं ताण रणं गयघडसंघट्टचूरियभडोहं । भडसंघट्टकरट्ठियकुंतग्गविभिन्नगयनिवहं ॥१०३।। जाव जणएण मुक्का सरावली नियसुअस्स नीसंका । सादइ व्व सलोहा पडिया वच्छत्थले तस्स ॥१०४॥
१. गब्भुप्पन्नो । २. छंडिउ । ३. भारुंड । ४. ता पडिउ । ५. पुत्तो । ६. भणेइ। ७. भगिणियापुत्तो । ८. महन्न । ९. संपुत्तो । १०. वामयं व । ११. विप्फुरियं । १२. दियहमि । १३. संघाय । १४. जा । १५. निस्संका ।
★ पहयं कम्मकरत्तं जिणिंदधूयप्पदाणेण ॥ इति पाठांतरम्
Jain Education International 2010_02
For Private & Personal Use Only
www.jainelibrary.org
