________________
विजयचंदचरियं बाहजलुल्लियनयणो राया तं भणइ पुत्ति सप्पेण । दट्ठा तुमं निचिट्ठा विवज्जिया सव्वविज्जेहिं ।।८५॥ गयजीव त्ति मसाणे जंपाणे ठाविऊण एयंमि । आणीया तं वच्छे चियगा वि य विरइआ एसा ॥८६॥ दिन्ना य तुज्झ पाणा निक्कारणवच्छलेण एएण । जइ ऐवं ताय मए एयस्स समप्पिया पाणा ॥८७।। साहु त्ति जंपिऊणं गयखंधे ठाविऊण नरवइणा । विनयंधरेण समं चिय नियगेहे आणिया धूआ ||८८।। काराविऊण राया धूआ पुण जम्मऊसवं नयरे । पुच्छइ नियमंतिजणं विणयंधरमूलसंसुद्धी ।।८९।। भणियं मंतिजणेणं कम्मगरो एस सत्थवाहस्स । एयस्स मूलसुद्धी जाणेइ सुबंधुसत्थाहो ॥९०।। सो वि य पुट्ठो पभणइ एयस्स न देव जाणिमो सुद्धि । कँवाइ य वुत्तंतो सव्वो वि य साहिओ तस्स ॥९१॥ वज्जाहय व्व चिंतइ तं वयणं निसुणिऊण नरनाहो । जस्स कुलं पि न निज्जइ नियधूयं देमि किं तस्स ॥९२।। पडिवज्जिऊण कन्नं न देमि ता होमि अलियवाई य । इय एवं जावमिणं दोलावइ तस्स नरवइणो ॥९३।। ता जक्खो परपत्ते ठाऊणं भणइ राय जह एसो । पोयणपुरंमि पुत्तो नरवइणो वेयरसीहस्स ॥९४ ॥
१. चियगा वि । २. एयं । ३. जम्मऊसव्वं । ४. कम्मकरो । ५. जाणइ जइ। ६. सुधण । ७. कुवाई । ८. वज्जाहउ व्व । ९. कह । १०. अलियवाउ त्ति । ११. वरपत्ते । १२. विजयसीहस्स ।
Jain Education International 2010_02
For Private & Personal Use Only
www.jainelibrary.org
