________________
धूपपूजाकथानकम् ॥
तेण वि गंतुं सिटुं जह एसो देव एरिसं भणइ । अहिदट्ठाए जीयं देमि अहं रायकन्नाए ॥७५।। तं निसुणिऊण वयणं हरिसियहियएण राइणा भणियं । तुह कन्नाए सहियं रज्जद्धं देमि सविसेसं ७६।। अन्नं चिय जे भणसि तं सव्वं देमि तुम्ह सविसेसं । किं जंपिऊण बहुणा जीयं पि हु तुह पयच्छामि ॥७७।। विणयंधरेण वि नमिउं भणियं मा देव एरिसं भणसु । सिद्धे कज्जंमि तुमं जं जुत्तं तं कुणिज्जासु ॥७८॥ दंसिज्जउ देव सुआ भणिए सा कड्डिऊण चियगाओ । विणयंधरस्स पुरओ ठविया बहुलोयपच्चक्खं ॥७९॥ अक्खयकुसुमसमिद्धे कयगोमयमंडले ठवेऊण । जक्खं काऊण मणे सित्ता सा रयणनीरेण ॥८०|| रयणजलसित्तगत्ता चैयणं पाविऊण सा कन्ना । अवलोइयं पयत्ता तं पासपरिट्ठियं लोयं ॥८१॥ तं सच्चिटुं नाउं अंके काऊण अत्तणो धूअं । आणंदसमुट्ठियनयणवारिधाराहिं धोवेइ ॥८२।। पुच्छइ स गॅग्गयगिरो वच्छे किं बाहए तुह सरीरे । ताय न बाहइ किंचि वि चियगा किं दीसए एसा ||८३।। किं एअं पेअवणं जं पाणं सज्जियं च किं एयं । किं एसो रुयइ जणो सदुक्खिओ मज्झ पासंमि ॥८४॥
१. सद्धं । २. पभणसि । ३. तुज्झ । ४. जंपिएण । ५. चेयन्नं । ६. अवलोइउं । ७. सिंचेइ । ८. गग्गिरगिरो । ९. दिस्सए । १०. पासंति ।
___Jain Education International 2010_02
For Private & Personal Use Only
www.jainelibrary.org
