________________
२४
विजयचंदचरियं तो सुक्कं कटुं पिव निच्चिटुं पिच्छिऊण ते कन्नं । राया निमीलियच्छो धस त्ति धरणीयले पडिओ ॥६७|| तं खयखारसमाणं नरवइदुक्खं वियाणिउं लोओ । अंतेउरेण सहिओ धाहावइ उच्चकंठेण ॥६८॥ चंदणजलसित्तंगो चेयन्नं पाविऊण नरनाहो । वाहरइ सत्थकुसले विसहरविसनासणे विज्जे ॥६९।। विज्जेहिं वि परिहरिआ निच्चिट्ठा जाणिऊण सा कन्ना । नीया महामसाणे वज्जिरबहुतूरनिग्घोसा ॥७०।। चंदणकट्ठेहिं चियं रइऊणं जाव तत्थ पक्खित्ता । जलणो अ कओ पासे ता जं जायं तयं सुणह ॥७१।। अह सो वि य विणयंधरो गामं गंतूण जा नियत्तेइ । ता पिच्छइ पेअवणे रोअंतं नरवईलोअं ।।७२।। तो पुट्ठो को वि नरो किं एसो रूयइ नरवईलोओ । तेण वि सव्वो सिट्ठो वुत्तंतो रायकन्नाए ॥७३।। जैइ एवं ता साहसु एअं गंतूण निययसामिस्स । जह एसो को वि नरो कन्नाए जीविअं देइ ॥७४||
१. तं सुक्ककट्ठगं पिव । २. निय । ३. स व्वि य । ★ विणयंधरेण भणियं पउणीकरोमि रायवरकन्न । चलणेसु निविडिऊणं अह भणियं रायपुरिसेहिं ।।७४।। कुणसु पसायं सुपुरिस गम्मउ ता नरवरस्स पासंमि । एवं ति जंपिऊणं पत्ता ते रायपासंमि ॥७५॥ काऊणं च पणामं भणियं विणयंधरेण कुमरेण । मुंच विसायं नरवर पउणिं च करेमि तुह धूयं ॥७६॥ इति पाठांतरम्
Jain Education International 2010_02
For Private & Personal Use Only
www.jainelibrary.org
