________________
२३
धूपपूजाकथानकम् ॥
अहिययरं तुटेणं भणियं मा भणसु एरिसं वयणं । जम्हा न होइ सुपुरिस देवाणं दंसणं विहलं ॥५७॥ इय भणिऊणं वयणं हेरिसियहियएण तेण जक्खेण । विणयंधरस्स दिन्नं विसहरविसनासणं रयणं ।।५८॥ अन्नं च किं पि पभणसु भणिए भणियं च तेण नमिऊण । पहणसु केम्मगरत्तं मज्झ कुलं पायडं कुणसु ॥५९॥ एवं ति पभणिऊणं सहसा जक्खो अदंसणीहूओ । विणयंधरो वि हु जिणं नमिऊणं भणइ भत्तीए ॥६०॥ सामिअ अन्नाणंधो तुह गुणपंथंमि गंतुं न समत्थो । तं होउ मज्झ पुन्नं जं जिण तुह धूयदाणेणं । ॥६१।। इय थुणिऊण जिणंदं पुणो पुणो पणमिऊण भावेण । अप्पाणं सुकयत्थं मन्नंतो आगओ गेहं । ॥६२॥ अह तंमि चेव नयरे रयणरहो नाम नरवई वसइ । भज्जा वि अ कणयाभा भाणुमई कन्नगा तस्स । ॥६३।। सा बहुसुयाणमुवरिं संजाया वल्लहा नरवइस्स । विहिणो वसेण डेक्का सा सुत्ता उग्गभुअगेण ॥६४॥ इय धाह धाह धावह रायसुआ विसहरेण डक्क त्ति । इय कोलाहलसद्दो रन्नो भुवणंमि उच्छलिओ ॥६५।। किं किं ति उल्लवंतो नयणंसुजलेण धोइअकवोलो ।। सह परियणेण राया समागओ कन्नगा भवणं ॥६६॥
१. भणिऊण य । २. हरसिय । ३. कम्मकरत्तं ४. असमत्थो । ५. धूयडहणेण । ६. जिणिदं । ७. सकयत्थ । ८. सगिहं । ९. डसिया । १०. पासुत्ता । ११. अरि । १२. डक्कु त्ति । १३. य जपंतो । १४. नयणंसुयसलिलधोवियकवोलो ।
Jain Education International 2010_02
For Private & Personal Use Only
www.jainelibrary.org
