________________
विजयचंदचरियं इत्तो गंधविलुद्धा गेयणयले भणइ जक्खिणी जक्खं । सामिय एस जुवाणो जिणपुरओ डेहइ वरधूयं ॥४७॥ ता खण धरसु विमाणं जावेसो बहलपरिमलं धूयं । डेहिउं जिणस्स पुरओ संचल्लइ निययठाणाओ ॥४८॥ महिलासहावजणियं तीसे सो जाणिऊण कुग्गाहं । विसहररूवं काउं समागओ तस्स पासंमि ॥४९।। भीसणरूवं काउं एवं चालेमि निययठाणाओ । जेणेसा महमहिला गमणारंभे मई कुणइ ॥५०॥ दटुं नट्ठो लोओ तं जक्खविणिम्मियं उरगरूवं । मुत्तूणं विणयधरं सप्पो सप्पु त्ति कुणमाणो ॥५१॥ चिंतइ रुट्ठो जक्खो नट्ठो सव्वो वि मज्झसंकाए । एसो सेलु व्व ठिओ न हु चलिओ निययठाणाओ ॥५२।। ता तह करेमि संपइ, जह एसो जीवियं पि छड्डेइ । इय चिंतिऊण जक्खो विसहररूवेण वेढेइ ।।५३।। मोडेइ अट्ठियाई अंगं अंगेण तस्स पीडेइ । तह वि हु नियठाणाओ न चालिओ तेण जक्खेण ॥५४॥ ईत्तो सो संतुट्ठो जक्खो होऊण तस्स पच्चक्खो । पभणइ तुह सत्तेणं विणिज्जिओ देमि जं भणसि ||५५।। संपुन्न पइन्नेणं भणियं विणयंधरेण नमिऊण । संपन्नं मह सव्वं जं पत्तं दंसणं तुज्झ ॥५६।।
१. गयणे य । २. दहइ । ३. ता खलसु वरविमाणं । ४. बहु । ५. दहिऊणं जिणपुरओ । ६. संवल्लइ । ७. भणमाणो । ८. जक्खो रुट्ठो । ९. रुसिऊण । १०. विलसिर । ११. एत्तो । १२. पयन्नेण य । १३. संपत्तं । १४. तुम्ह ।
Jain Education International 2010_02
For Private & Personal Use Only
www.jainelibrary.org
