________________
धूपपूजाकथानकम् ॥
अह अन्नया कयाई कीलंतो जिणहरंमि संपत्तो । निसुणइ साहुसयासे धम्मं जिणधूयपूयाए ॥३७॥ मैयणाहिचंदणागरुकप्पूरसुयंधVवपुप्फेहिं । पुज्जइ जो जिणचंदं पूइज्जइ सो सुरिंदेहिं ॥३८॥ झ्य निसुणिऊण वयणं विणयंधरो नियमणंमि चिंतेइ । ते धन्ना जे निच्चं पूयंति जिणं सुधूवेणं ॥३९॥ अहयं पुण असमत्थो एगं पि दिणं जिणस्स पूयाए । तम्हा धिरत्थु जम्मो मह एसो धम्मरहियस्स ॥४०॥ एवं परिचिंतितो समागओ जाव अत्तणो गेहे । ता गंधिएण धूवो समप्पिओ सत्थवाहस्स ॥४१॥ तेण वि पुडियनिबद्धो समप्पिओ परियणस्स सो सव्वो । विणयंधरेण वि लद्धो संतुट्ठो अत्तणो हियए ॥४२॥ नियपरियणेण दड्डो सो धूवो चंडियाइदेवाणं । विणयंधरेण नीओ संज्झासमयंमि जिणभवणे ॥४३।। पक्खालियकरचरणो बंधेउं नासियं च वत्थेण । डहिऊण समाढत्तो तं जिणपुरओ पवरधूयं ॥४४॥ वित्थरइ धूवगंधो सव्वत्तो महियलंमि गयणंमि । धूयकडुच्छयहत्थो कुणइ पइन्नं च सो धीरो ॥४५॥ जाव न पज्जलइ इमो डझंतो कडच्छुयट्ठियधूओ । ताहं जीयंते वि हु वच्चामि न निययठाणाओ ॥४६॥
३. मयनाहि । ४. चंदणागरु । ५. सुगंध । ६ . गंधधूवेहिं । ७. सुणिऊणं । ८ परिचितंतो । ९. दहिऊण । १०. कदृच्छय ११.कडच्छूए ट्ठिओ । १२. जीवंतो । १३. नियगेहं पि । * ते धन्ना जे धूवेहिं । पूयंति जिणं सुगंधेहिं ।। इति पाठांतरम्
Jain Education International 2010_02
For Private & Personal Use Only
www.jainelibrary.org
