________________
धूपपूजाकथानकम् ॥
एयस्स धूयगंधो देहाओ जेण नासइ असेसो । इय भणिए नरवइणा सव्वं पि अणुट्ठियं तेहिं ॥१३२।। अह सो जक्खो तह जक्खिणीओ लभ्रूण माणुसं जम्मं । जिणवरधम्मेण तेओ उप्पन्ना सुरवरा दो वि ॥१३३।। इत्तो ते दो वि सुरा वच्चंता केवलिस्स पासंमि । पिच्छंति धूयसारं बहुअसुईकद्दमालित्तं ॥१३४।। पुव्वसिणेहा दुन्नि वि अवही(हि)नाणेण तं वियाणेउं । मुच्चंति सुरहिसलिलं तस्सुवरि कुसुमवुटुिं च ॥१३५।। अहिययरं च सुयंधो गंधो देहाओ तस्स उच्छलिओ । सव्वजणाणंदकरो वासंतो दसदिसाभो ॥१३६।। तं नाऊणं राया भीओ खामेइ पायपडिलग्गो । पभणइ खमसु महायस दुच्चरिअं तुज्झ जं जणियं ॥१३७।। तेण वि भणिओ नरवर थोवो वि हु नत्थि इत्थ तुह दोसो । सव्वो पुव्वकयं चिय अणुहवइ सुहासुहं कम्मं ॥१३८॥ राया विम्हियहियओ असरिसचरिएण धूयसारस्स । चिंतइ गंतूण अहं पुच्छिस्सं केवली ऐयं ॥१३९।। सह परिययेण राया बंधवसहिओ ये ध्यसारो वि । गंतु केवलिपासे उवविठ्ठो पणमिउं हिट्ठा ॥१४०॥ धम्मं सोऊण तओ पुच्छइ नमिऊण केवलिं राया । भयवं किं पुव्वभवे समज्जियं धूवसारेण ॥१४१।।
१. जिणधम्मेण । २. तओ ते । ३. दोहिं वि । ४. कुसुमवरिसं । ५. सलिलवुट्टि । ६ ससुयंधो । ७. विहियं । ८. इमं । ९. समीवे । १०. व । ११. उवविट्ठा । १२. पुणो ।
Jain Education International 2010_02
For Private & Personal Use Only
www.jainelibrary.org
