________________
२. धूपपूजाकथानकम् ॥
मयणाहिचंदणागरुकप्पूरसुगंधगंधधूवेहिं । पूयइ जो जिणचंदं पूइज्जइ सो सुरिंदेहि ॥१॥ जह विणयंधरकुमरो जिणिंदचंदाण धूयभत्तीए । जाओ सुरनरपुज्जो सत्तमजम्मंमि सिद्धो य ॥२॥ पोयणपुरंमि नयरे राया परिवसइ पसरियपयावो । नामेण वयरसीहो सीहो इव रिउगइंदाणं ॥३॥ सव्वंतेउरमज्झे हिययहरा तस्स भारिया कमला । बीया य अस्थि विमला विमलगुणा जयपडाय व्व ॥४॥ दुण्हं पि ताण पुत्ता कमलो विमलो य सुंदरावयवा । एगंमि दिणे जाया दुन्नि विहिणो निओगेणं ॥५॥ विम्हियहियओ राया पुच्छइ नेमित्तियं पयत्तेण ।
को मज्झपयसमुचिओ साहसु एयं गणेऊणं ॥६॥ विमलाए उवयरिओ पभणइ नेमित्तिओ गणेऊणं । तुह कमलाए पुत्तो सव्वं रज्जं पणासेही ॥७||
१. जिणिंदवरधूयदाणभत्तीए । २. तस्स । ३. दुन्नि वि विहिणो । ★ तुह हत्थाओ रज्जं कमलापुत्तो विणासिहइ ॥ इति पाठांतरम्
Jain Education International 2010_02
For Private & Personal Use Only
www.jainelibrary.org
