________________
विजयचंदचरियं लक्खणगुणसंपन्नो निम्मलगुणरयणभूसियसरीरो । एसो विमलापुत्तो तुह रज्जधुरंधरो होही ॥८॥ नेमित्तियवेयणाउ राया पच्छन्नकोहपज्जलिओ । आणावइ नियपुरिसे कमलं रन्नंमि छड्डेह ॥९॥ ते रयणीए गंतुं कमला अंकाओ रोयमाणाए । दसदिणजायं बालं गहिऊण विणिग्गया रन्ने ॥१०॥ मुत्तूण रन्नमज्झे समागया राइणो निवेयंति । तत्थ विमुक्को सामिय खणं पि नो जीवए जत्थ ॥११॥ तं वयणं सोऊणं बाहजलापुण्णलोयणो राया । पच्छत्तावेण हओ जलंजलि देइ पुत्तस्स ॥१२॥ सुयविरहे कमलाए तह रुन्नं दुक्खनिब्भरमणाए । जह करुणाहयहियओ रुआवियो नयरलोगो वि ॥१३॥ दट्ठणं तं बालं भारुडो चंचुसंपुडे काउं । उप्पन्नो गयणयले दिट्ठो ता अन्नसउणेण ॥१४॥ ते दुन्न वि भारुडा लुद्धा बालंमि जाव जुझंति । ता चंचुसंपुडाओ पन्भट्ठो पंडिउ कूवंमि ॥१५॥ अइ तिण्हा नडिएणं गिम्हायवपीडिएण पुरिसेण । जललुद्धेणं पुव्वि पडिएणं तंमि कूवंमि ।।१६।। उज्जोयंतो अयडं समंतउ निययदेहकंतीए । निवडतो सो दिवो उकापुंज व्व पहिएण ॥१७॥
१. विमल । २. वयणेणं । ३. आणवइ । ४. निययपुरिसे । ५. निवेइंति । ६. रोयाविओ । ७. नयरिलोओ वि । ८. उप्पइओ । ९. गयणयलं । १०. पडइ । ११. पहिएण ।
Jain Education International 2010_02
For Private & Personal Use Only
www.jainelibrary.org
