________________
गंधपूजाविषये कथा ॥
तदसणतुटेणं नरवइणा गयवरंमि आरूढा । आणीया नियगेहं सा भज्जा परमनेहेणं ॥१११।। संतुट्ठो जा राया नयरंमि महूसवं कुणइ रम्मं । ता देवीइ समेओ भणिओ उज्जाणपालेण ॥११२।। देव मणोरमनामे उज्जाणे अमयतेयमुणिवइणो । लोयालोयपयासं उप्पन्नं केवलं नाणं ॥११३।। इत्थंतरंमि राया भणिओ देवीइ हरिसियमणाए । सामिय महूसवाओ एसो परमूसवो रम्मो ॥११४।। ता गम्मउ मुणिपासे समयं चिय सव्वनयरिलोएण । इय भणिए संचलिओ संपत्तो मुणिसयासंमि ॥११५।। केवलिणो पयकमलं नमिऊण सपरियणो वि नरनाहो । उवविट्ठो पेयमूलं धम्मं सोउं समाढत्तो ॥११६।। पत्थावं लहिऊणं पुट्ठो मयणावलीइ मुणिनाहो । भयवं को सो सुयगो जेणाहं बोहिया दुहिया ॥११७॥ भणिया सा केवलिणा भद्दे तुह एस पुव्वभवभत्ता । देवो तुज्झ सयासे समागओ कीररूवेण ॥११८॥ तित्थयराओ मुणीओ सविसेसं तुज्झ संतियं चरियं । तुह दुक्खनासणत्थं साहइ सुयमिहुणरूवेण ॥११९।। पुच्छइ पुणो वि तुट्ठा भयवं सौ इत्थ सुरसमूहमि । चिट्ठइ सो देवसुओ साहसु अँइकोअगं मज्झ ॥१२०॥
१. पवर । २. करावेइ । ३. उज्जाणपालेहिं । ४. एसो अ महूसवो । ५. नयरलोएणं । ६. भणिओ । ७. मुणिसगासंमि । ८. य । ९. पयमूले । १०. सुओ । ११. तह कीररूवेणं । १२. तुह । १३. अइकोउयं ।
Jain Education International 2010_02
For Private & Personal Use Only
www.jainelibrary.org
