________________
४
विजयचंदचरियं भणिया जो तुह पुरओ चिट्ठइ मणिरयणकुंडलाभरणो । सो एसो देवसुओ भद्दे तुह पुव्वभवभत्ता ॥१२१।। सा गंतूणं पभणइ साहु तुमे सुयणु बोहिया अहयं । तुह उवयारस्स अहं पडिउवयारं न हु समत्था ॥१२२॥ तेण वि सा पडिभणिया भद्दे हं अज्ज सत्तमदिणाओ । चविऊण खेयरसुओ होहामि न इत्थ संदेहो ||१२३।। पडिबोहेयव्वोऽहं पैडिवन्नमिमीइ तस्स तं वयणं । जह होही मह नाणं बोहिस्सं मुयसु मणखेयं ॥१२४॥ इय भणिए सो देवो संपत्तो सह सुरेहिं नियठाणं । सा वि हु नियभत्तारं पभणइ महुरेहिं वयणेहिं ॥१२५।। भुत्तं सुरलोयसुहं मणुयत्ते वि हु तुमे समं नाह । इण्हिं मुयसु महायस करेमि दुक्खक्खयं तेण ॥१२६।। विहिणो वसेण सुंदरि रयणं नियकरयलाउ पन्भटुं । पुणरवि करयलचडियं को मुअइ वियक्खणो पुरिसो ॥१२७।। जाणामि तुज्झ हिययं तह वि हु मा नाह कुणसु पडिबंधं । संजोयाउ विओगो भण कस्स न होइ संसारे ॥१२८।। गुरुनेहमोहमूढो पडिवयणं जाव देइ न हु राया । ता गुरुणो हत्थेणं पैडिवज्जइ झत्ति सा दिक्खं ॥१२९।। नमिऊण मुणिवरिंदं बाहजलापुन्नलोयणो राया । पणमइ सगग्गयगिरो पच्छा मयणावलिं अज्जं ॥१३०।।
१. सुयण । २. अहियं । ३. पडिवन्नं तस्स तीइ । ४. करयलपत्तं । ५. संजोगाउ । ६. पडिविज्जइ ।
Jain Education International 2010_02
For Private & Personal Use Only
www.jainelibrary.org
