________________
विजयचंदचरियं जंपइ पुणो वि सुयगी सा संपइ केहसु कत्थ परिवसइ । एसा सा तुह पुरओ चिट्ठइ मयणावली भद्दे ॥१०१।। एयाए पुव्वभवे मूढाए जं दुगंछिओ साहू । तेण दुगंछियदेहा संजाया इत्थ जम्मंमि ॥१०२॥ संपइ जइ सत्तदिणे तिन्नि वि संज्झाउ पवरगंधेहिं । पुज्जइ जिणवरचंदं तो मुच्चइ वसणदुक्खाओ ।।१०३॥ मयणावली वि एवं सोऊणं निययसव्वमाहरणं । पक्खिवइ संपरितुट्ठा पुरओ तं कीरमिहुणस्स ॥१०४॥ तत्तो तं सुयमिहुणं तीसे सहसा अदंसणीहूयं । विम्हियहियया चिंतइ कह कीरो मुणइ महचरिअं ॥१०५।। पुच्छिस्सं नाणजुअं ऐवं सुअवइयरं विसेसेण । ता पूएमि जिणिदं गंधेहिं विसुद्धबुद्धीए ॥१०६।। एवं विचिंतिऊण पूयंतीए जिणं सुगंधेहिं । मंतेहिं पिसाओ इव नट्ठो देहाओ दुग्गंधो ॥१०७।। द?ण तं पणटुं गंधं देहाउ अत्तणो सव्वं । आणंदबाहजलभरियलोयणा झत्ति संजाया ॥१०८।। वद्धाविओ नरिंदो मयणावलिपाससंठियनरेहिं । देवी वियलियगंधा संजाया देवपुन्नेहिं ॥१०९॥ अमयरसेण व सित्तो तं वयणं निसुणिऊण सो ताण । दाउं पभूयदाणं संपत्तो तीय पासंमि ॥११०॥
१. सूइ । २. कहसु नाह । ३. सव्वमुयाहरणं । ४. सुपरितुट्ठा । ५. एयं । ६. चिंतेउण । ७. तं च । ८. बाहु । ९. संबुद्धा । १०. तीइ ।
___Jain Education International 2010_02
For Private & Personal Use Only
www.jainelibrary.org
