________________
गंधपूजाविषये कथा ॥
अहवा वि पुव्वभवे पावं अइदारुणं मए चिन्नं । तेणेरिसो विवाओ संजाओ मज्झदेहस्स ।९१।। ता सहियव्वं एयं किं बहुणा विलविएण एएण । इय चिंतिऊण सुइरं सेंधीरइ अत्तणो हिययं ॥९२।। ऎवं जा पल्लंके चिट्ठइ गुरुदुक्खनिब्भरसरीरा । ता वर वणगवक्खे पिच्छइ सुगमिहुणगं एगं ॥९३।। भणिओ नियदइयाए सुओ सुइगाइपढमरयणीए । साहसु मज्झ महायस कहाणयं किं पि रमणीयं ॥९४|| मयणावल्ली वि चिंतइ संतुट्ठा साहु जंपियमिमीए । जइ साहइ तो मज्झ विदुक्खविणोओ कओ होइ ।।९५।। तेणवि सा पडिभणिया चरियं उ य कप्पियं तुह कहेमो । इह भणिए सा जंपइ चरिए मह नाह संतोसो ॥९६॥ जह जयसूरो राया सुहमइनामेण तस्स जह भज्जा । जह अट्ठावयगमणं मुणिणो जह गंधपूयाए ॥९७|| जह देवलोगगमणं चवणं मयणावलीए पज्जतं । तं सुहमईए चरियं नीसेसं साहियं तेण ॥९८॥ मयणावली वि इत्तो सोऊणं तस्स भासियं सव्वं । संभरइं पुव्वजाइं निंदइ अप्पाणयं तत्तो ।।९९।। चिंतइ मणमि तो सा सव्वं चिय मज्झ साहियं चरियं । एएण वरसुएणं इहि जं कहइ तं सुणिमो ॥१००॥
१. अहवा वि य । २. सा धीरइ । ३. एवं पल्लंक चिट्ठइ जा । ४. भवण । ५. एवं । ६. सोउण य ।
Jain Education International 2010_02
For Private & Personal Use Only
www.jainelibrary.org
