________________
गंधपूजाविषये कथा ॥
जंपइ मुणिवरिंदो नरवर मा वहसु नियमणे खेयं ।
जं जेण कयं कम्मं तं सो अणुहवइ नियमेण ॥७१॥ अन्नं च -
जो पुण कुणइ दुगंछ मेलमयलं मुणिवरं निएऊण ।
सो होइ दुगंछणिज्जो भवे भवे कम्मदोसेणं ॥७२॥ जेण भणिअं -
मलमइलपंकमयला धूलीमइला न ते नरा मइला । जे पावपंकमइला ते मइला जीवलोगंमि ॥७३॥ सोऊण इमं वयणं भवभीया भणइ सुहमई एवं । भयवं पावाइ मए तुम्हे वि दुगंछिया पुट्वि ।।७४|| खामइ पुणो पुणो वि य चलणेसु विलग्गिऊण मुणिवसहं । तेण वि सा परिभणिया भद्दे मा कुणसु मणखेयं ।।७५।। एवं खामंतीए एवं सव्वं पि सोसियं कम्मं । नवरं तु एगजम्मे अणुहवियव्वं तु नियमेण ॥७६।। धम्मं सोऊण पुणो पयकमलं पणमिऊण केवलिणो । नियनयरं संपत्तो सो राया पिययमासहिओ ॥७७।। संपुन्नदोहला सा सुहमई सुमणोहरंमि समयंमि । सुहदारयं पसूआ पुव्वदिसा चेव दिणनाहं ॥७८।। कल्लाणनामधेयं रज्जं दाऊण तस्स सो राया । पव्वज्जं पडिवन्नो गुरुमूले पिययमासहिओ ॥७९॥ पव्वज्जं काऊणं सोहंमे सुरवरो समुप्पन्नो । सुहमई वि य मरिऊणं देवी तस्सेव संजाया ॥८०||
१. कुणसु । २. मइलं । ३. दुगंछणिओ । ४. पुण व्विय । ५. पडिभणिया । ६. भद्दि तुमं कुणसु मा खेयं । ७. झोसियं । ८. व । ९. संपन्न । १०. पुवदिसाए व्व ।
___Jain Education International 2010_02
For Private & Personal Use Only
www.jainelibrary.org
