________________
विजयचंदचरियं मुणितणुगंधविलुद्धा मुत्तूणं कुसुमियं पि वणगहणं । निवडंति साहुदेहे जुगवं पि हु महुयरा बहवे ॥६१।। कयमहुयरोवसग्गं घोरं अइदूसहं सहइ धीरो । आपूरियज्झाणाओ न चलइ सो कंचणगिरि व्व ॥६२॥ पक्खंतराओ वलिओ तित्थाणि नमंसिऊण सो खयरो । संपुत्तो मुणिदेसे ता भणिओ निययभज्जाए ॥६३|| सामिय एस पएसो दीसइ सो जत्थ मुणिवरो दिट्ठो । न हु दीसइ सो संपइ जोइज्जतो वि पुण इत्थ ॥६४|| भणियाय तेण दैइए जत्थ पएसंमि सो मुणी दिवो । तत्थ पएसे दीसइ दवदड्डो कीलगो एगो ॥६५॥ जाव निहालंति पुणो समं गयणंगणाओ अवयरिउं । ता पिच्छंति मुर्णिदं खजंतं दुट्ठभमरेहिं ।।६६।। उवयारो वि हु एसो अवयारो मुणिवरस्स संजाओ । इअ चिंतिऊण खयरो निद्धाडेइ महुअरे सव्वे ॥६७|| इत्तो उवसग्गंते घाइचउक्कंमि तस्स खीणंमि । उप्पन्नं दुहदलणं केवलनाणं मुर्णिदस्स ॥६८॥ चउविहदेवनिकाया केवलिमहिमं कुणंति संतुट्ठा । मुंचंति कुसुमवासं गंधोदयमीसिअं सीसे ॥६९।। जयसूरो वि नरिंदो सहिओ भज्जाइ पायपडिलग्गो । पभणइ खमसु मुणीसर जं रइयं तुम्ह दुच्चरियं ॥७०।।
१. संपत्तो । २. किं । ३. दइया । ४. सम्मं । ५. कसिण । ६. निद्धाडइ । ७. तुब्भ ।
Jain Education International 2010_02
For Private & Personal Use Only
www.jainelibrary.org
