________________
गंधपूजाविषये कथा ॥
पुच्छइ विम्हियहियया वरकुसुमसमाउलंमि रन्नंमि । कस्सेसो दुग्गंधो दुस्सहो सामिय मुणीणं पि ॥५१॥ तेण वि सा पडिभणिया किं न पिए एस पिच्छसे पुरओ । उज्झियभुयदंडजुअं महामुणिं गुरुसिलावट्टे ॥५२॥ उद्धट्ठियथिरदेहं निम्मलसूरम्मि दिन्नदिट्ठीयं । घोरं तवं तवंतं तियसाण वि ताससंजणयं ॥५३।। सूरखरकिरणतावियतणुस्स मलमयलसेयर्किनेस्स । उच्छलइ सरीराओ एयस्स ये दुस्सहो गंधो ॥५४॥ पभणइ सा मुणिधम्मो पन्नत्तो सोहणो जिणिदेहिं । फासुयजलेण न्हाणं जइ कुज्जा हुज्ज को दोसो ॥५५॥ एवं सा पभणंती भणिया दइएण भणसु मा एवं । संजमजलेण न्हाया निच्चसुई मुणिवरा हुंति ॥५६।। तह वि हु पक्खालिज्जओ अंगं एयस्स फासुयजलेण । जेणावणेइ गंधो इय भणिओ तीइ नियदइओ ॥५७॥ नाऊण निच्छयं नियपियाइ गहिऊणपोइणिपुडेहिं । पव्वयनिज्झरणाओ निवडतं फासुअं नीरं ।।५८।। पक्खालिऊण नीरेण सहरिसं मुणिवरस्स तं देहं । अइनिविडं दोहिं पि वि विलंपिओ सुरहिगंधेहिं ॥५९॥ नमिऊण मुणिवरिंदं दुन्न वि तं वरविमाणमारूहिओ । वच्चंताइ जइत्थं (जहिच्छं) वंदंति जहिच्छिए तित्थे ॥६०॥
१. इत्थ । २. कन्नस्स । ३. स । ४. दिट्ठो अह । ५. पउमिणि । ६. निवडं। ७. विलिंपिउ । ८. दव्वेहिं । ९. आवंताइ नहेणं ।।
Jain Education International 2010_02
For Private & Personal Use Only
www.jainelibrary.org
