Vijaychandchariyam

SR No.: 002557
Original Sutra Author: Chandrashi Mahattar
Author: Jitendra B Shah
Publisher: Shrutratnakar Ahmedabad
Publication Year: 2008
Total Pages: 218
Language: Sanskrit, Gujarati
Classification: Book_Devnagari & Literature
File Size: 8 MB

Page 184

૧૭૧
નૈવેદ્યપૂજાવિષે હલીપુરુષની કથા સિંહની ફરતા જેમ હાથીઓ વીંટાઈ વળે તેમ તેઓ તે ખેડૂતને વીંટાઈ વળ્યા. તે વખતે ક્રોધાગ્નિથી પ્રજવલિત થયેલો તે ખેડૂત પ્રજવલિત હળ વડે પ્રહાર કરતો એકાકી રણભૂમિની વચમાં બળભદ્રની જેવો શોભવા લાગ્યો. તે ધીર પુરુષ હળના અગ્રભાગરૂપ તીક્ષ્ણ અંકુશ વડે શત્રુઓના હસ્તીઓના કુંભસ્થળને ભેદવા લાગ્યો, અશ્વોની ઘટા પર પ્રહાર કરવા લાગ્યો અને રથોને ચૂર્ણ કરવા લાગ્યો. તે જોઈને બળના ગર્વથી ઉન્મત્ત એવા સર્વ સુભટો સામે થતાં તેઓને તે ખેડૂત અગ્નિની જવાળાને મૂકતા હળ વડે તાડન કરવા લાગ્યો. આ પ્રમાણે જોઈને ચંડસિંહ પ્રમુખ સર્વે રાજાઓ ચિંતવવા લાગ્યા કે “અહો ! આપણો વિનાશ કરવા માટે આ કોઈ નવો યમરાજ ઉત્પન્ન થયો જણાય છે.” પછી ચંડસિંહ બોલ્યો કે – “આ કોઈ દેવ આપણી ઉપર કોપાયમાન થયો જણાય છે, માટે ચાલો, આપણે સર્વે તેની પાસે જઈ તેને પ્રણામ કરીને શાંત કરીએ.' સર્વ રાજાઓ તેનાં વચનને પ્રમાણ કરી “શરણ આપો, શરણ આપો” એમ બોલતા તે ખેડૂતની પાસે ગયા, અને ભય પામી તેના ચરણયુગમાં પ્રણામ કરીને બોલ્યા કે “હે દેવ ! અમે મોહથી મૂઢ બનીને આપને જે અઘટિત વચનો કહ્યાં છે તે સર્વ ક્ષમા કરો, અમે આપને પ્રણામ કરીએ છીએ.” : હાલિકનું આવું અદ્ભુત ચેષ્ટિત જોઈને કન્યાના માતા પિતા, બંધુ અને સર્વ પરિવાર ઘણો ખુશી થયો. પછી રાજા સૂરસેને કન્યાના વિવાહનો આરંભ
ર્યો, અને સવ રાજાઓની સમક્ષ તે ખેડૂત રાજકન્યાને પરણ્યો. પછી સૂરસેનરાજા અપુત્ર હોવાથી સર્વે રાજાઓએ મળીને તેનો રાજય ઉપર અભિષેક કર્યો અને કહ્યું કે-“આજથી તમે અમારા સ્વામી છો.” પછી હલીરાજાએ સર્વ રાજાઓને અભયદાન આપી સર્વનું સન્માન કર્યું, અને તેના સાસરા સૂરસેને પણ તે સર્વ રાજાઓનો સત્કાર કરી સત્વર વિદાયગીરી આપી.
પછી પેલા દેવતાએ પ્રગટ થઈને રાજા થયેલા ખેડૂતને કહ્યું કે “અરે ભદ્ર! કેમ હવે તારું દારિદ્ર ગયું? હજુ પણ જે કાંઈ તું માગીશ તે સર્વે હું તને આપીશ.” હાલિક બોલ્યો કે–“જો એમ હોય તો પૂર્વે ક્રોધ વડે તમે જે નગરી ઉજ્જડ કરેલી છે તે મારી નગરી ફરીને તમારા પસાયથી સારી રીતે વસો.”