________________
तंमि य खाइयभावो खाईयभावंमि केवलं नाणं । केवलनाणे पत्ते संपत्तं सासयं सोक्खं ॥ २५ ॥ " इय सोऊणं सव्वे केवलिमुहकमलनिग्गयं वयणं । पेडिवन्ना किवि दिक्खं अन्ने पुण सावगा जाया ||२६|| सुरनरकिंनरदेवा सव्वे वि य केवलिं नमिऊणं । हरिसिय हियया सेव्वे संपत्ता निययठाणेसु ॥२७॥ भयवं पि विजयचंदो देविंदनरिंदवंदपरिमहिओ । विहर ही महप्पा बोहंतो भवियकुमुयाई ||२८|| ॥२८॥ विहरंतो संपत्तो कमेण कुसुमप्पुरंमि नयरंमि । जत्थ सुओ सुपसिद्धो हरिचंदो पत्थिवो वसई ||२९|| सुरनरकयपयपूओ बहुसावयसाहुसंघपरिपूओ । गंतूण समोसरिओ नयरीए बाहिरुज्झाणे ||३०|| सुरनरवरपरिसाए सुरकयकणयासणंमि उवविट्ठो । सुरसंथुयपयकमलो धम्मं कहिउं समाढत्तो ॥ ३१ ॥ एत्थंतरंमि राया हरिचंदो नयरबाहिरुज्झाणे । सोऊण निययजणयं समागयं तिअसकयपूअं ||३२|| हरिसाऊरियहियओ नियपुरनरनारिलोउपरियरिओ । राया वंदणहेउं समागओ निययजणयस्स ||३३|| दट्टण मुणिवरिंदं दूराओ करिवराओ उत्तरिउ । आणंदबाहजलभरियलोयणो नमइ मुणिचंदं ||३४||
विजयचंदचरियं
१. पडिवन्ना य । २. वलिया । ३. महीं । ४. बोहितो । ५. कुसुमपुरंमि । ६. लोय । ७. तायस्स । ८. मुणवरिंदं ।
Jain Education International 2010_02
For Private & Personal Use Only
www.jainelibrary.org
