________________
पूजाष्टके अवशिष्टकथा ॥
जो नियघरणीए तुमं आहरणं रक्खिऊण असमत्थो । सो कह तुमं नरेसर रक्खेउं मेइणी तरसि ॥९७|| इय भणिए सो राया सद्देउं भणइ अत्तणो पुरिसे । रयणावलीइ चोरं सव्वपयत्तेण जाणेह ॥९८॥ इय भणिया ते पुरिसा सव्वट्ठाणेसु सव्वजुत्तेण । संपत्ता जोयंता उज्जाणे जत्थ सो साहू ॥९९।। अह सो वि य उल्लावो चंचुखित्ताए रयणमालाए । कीलयसंका कलिओ मुणिणो सीसोवरिं चडिओ ॥१००॥ दट्टण मुणिवरिंदं जम्मंतरजणियवेरभयभीओ । रयणावलीए मुत्तुं चिटुं व झडत्ति उड्डीणो ॥१०१।। रयणावली वि पडिया मुणिपयजुयलस्स मज्झयारंमि । तत्थ गएहिं दिट्ठा सहसा सा रायपुरुसेहिं ॥१०२।। एसो मुणिवेसधरो दिट्ठो रयणावलीए चोरु त्ति । एवं विचिंतिऊणं नरवइणो साहिउं तेहिं ॥१०३।। अवियारिऊण राया परिकुद्धो भणइ अत्तणो पुरिसे । तरुसाहाए एयं गलपासेणं विणासेह ॥१०४।। इय ते लद्धाएसा साहुं पभणंति झाणगयचित्तं । रयणावलीइ चोरो दुट्ठ तुमं पाव्विओ अज्ज ॥१०५।। जह निवभज्जाए तए गहिया रयणावली हरेऊण । तह साहसु अन्नं चिय जं गहियं इत्थ नयरंमि ॥१०६।।
१. सव्वजत्तेण । २. कीलक । ३. पमुत्तुं । ४. तत्थागएहिं ।
Jain Education International 2010_02
For Private & Personal Use Only
www.jainelibrary.org
