________________
विजयचंदचरियं आइट्ठो तं वज्झो नरवइणा अज्ज दुट्ठरुटेणं । ता साहसु फुडत्थं ने हु जीयं अन्नहा तुज्झ ॥१०७।। इय सो सच्चपइन्नो निच्चलझाणाउ चलिउ न हु जाव । ता सो पुणो वि भणिओ सुमरसु तं इट्ठदेवं ति ॥१०८।। इय भणिऊणं पासो कंठे ठविऊण तस्स मुणिवइणो । तरुसाहाए निबद्धो ता तुट्टो झत्ति सो पासो ॥१०९।। एवं तिन्नि वि वारे निच्चलचित्तस्स तुट्टए पासो । ता ते तस्स य रुट्टा सूलादंडं पकुव्वंति ॥११०॥ एत्तो सासणदेवी निच्चलचित्तस्स तस्स परितुट्ठा । वरकंचणमणिघडियं सूलोवरि आसणं कुणइ ॥१११।। जह जह ते उवसग्गं सूलाए परिट्ठियस्स कुव्वंति । तह तह मुणी महप्पा परमज्झाणं समारुहइ ॥११२।। सुक्कज्झाणंमि परिट्ठियस्स धीरस्स तस्स मुणिवइणो । विहडियकम्मचउक्कं उप्पन्नं केवलं नाणं ।।११३।। देवेहिं कया महिमा केवलनाणंमि तस्स मुणिवइणो । मुक्कं कुसुमसमूहं गंधोदयमीसियं सीसे ॥११४।। इत्तो निवपुरिसेहिं गंतूणं अत्तणो नरिंदस्स । जह दिटुं तह सिटुं सव्वं तं साहुणो चरियं ॥११५।। गुरुविम्हियहयहियओ नरनाहो भणइ अत्तणो पुरिसे । कह चोरस्स वि मुणिणो संजायं केवलं नाणं ॥११६॥
१. फुडं चिय । २. न य । ३. चलइ । ४. पासे । ५. पउट्ठा । ६. वीरस्स । ७. घाइ ।
Jain Education International 2010_02
For Private & Personal Use Only
www.jainelibrary.org
