________________
विजयचंदचरियं जइ तं महसि विसुद्धी ता निच्चं निच्चलेण चित्तेण । पडिवज्जसु जिणधम्म सम्म सम्मत्तबुद्धीए ॥८७|| दुलहं खु माणुसत्तं दुलहं जीवाण जीवियं लोए । दुलहो सुहगुरुजोगो दुलहो जिणदेसिओ धम्मो ॥८८॥ ता मा कुणसु पमायं लभ्रूण सुमाणुसत्तणं दुलहं । उज्जमसु सया धम्मे मा मुज्झसु मोहजालंमि ॥८९॥ सामिय हिओवएसो दिन्नो तुम्हेहिं सो मए नमिउं । अमयभरिय व्व कुंभो सीसेण पडिच्छिओ एसो ||९०॥ धम्मंमि धणं दाउं नरवइ वयणाउ तं समुद्धरिउं । रयणावली वि दाउं नरवइणो हेट्ठदइयाओ ॥९१॥ पडिवज्जिऊण दिक्खं जिणवरधम्मे विसुद्धपरिणामो । विहरइ गुरुहिं समेओ गामागरमंडियं वसुहं ॥९२।। विहरंतो संपत्तो सुसमनयरं पुणो वि मुणिनाहो । चिट्ठइ निच्चलज्झाणो उज्जाणे सिलायलुच्छंगे ॥९३।। एत्तो सा निवघरणी पडले रयणावलि पमुत्तूण । जा न्हाइउं पवत्ता ता सो उलावगो पत्तो ॥९४|| तं नियकंतिजलंतं दद्रुणं आमिसं ति कलिऊणं । रयणावली गहेडं अलक्खिओ ज्झत्ति उड्डीणो ॥९५।। जा सा न्हाणुत्तिन्ना न पेच्छए रयणमालियं पुरओ । ता पभणइ नरनाहं परिकुविया कडुयवयणेहिं ॥९६||
१. भरिऊ व्व । २. इट्ठदेयाए । ३. सहिओ । ४. इत्तो । ५. तेय । ६. अलक्खियो । ७. पिच्छए ।
Jain Education International 2010_02
For Private & Personal Use Only
www.jainelibrary.org
