________________
विजयचंदचरियं भणिया तुमं महासइ वाहिघडं मज्झ सीसदेसाओ । उत्तारिही सैकरुणं काऊणं अत्तणो हिययं ॥५८।। इय भणिए अह तीए सम्म नियकरयलेण फुसिऊण । अवणीओ य खणेणं वाहिघडो तीइ सीसाओ ॥५९॥ इय चरियं धूयाए दट्टणं सह जणेण नरनाहो । पइदियहं भत्तीए जिणजलपूआइ उज्जमइ ।।६०|| कुंभसिरी वि य निच्चं निम्मलजलभरियकणयकलसेहिं । जिणमज्जणं कुणंती तिन्नि वि संज्झाउ चिट्टेइ ॥६१।। दुग्गयनारी वि विसुद्धमाणसा साहुणीहिं सह निच्चं । पंचमहव्वयकलिया विहरइ जणसंकुलं पुहविं ॥६२।। मुणिनाहो वि महप्पा पडिबोहेऊण पाणिणो बहवे । विहरइ अप्पडिबद्धो गामागरमंडियं वसुहं ॥६३।। कुंभसिरी वि य आउं परिपालेऊण सुद्धपरिणामा । मरिऊण समुप्पन्ना ईसाणे सुरविमाणंमि ॥६४॥ भुत्तूण तत्थ सुक्खं सुरनरसुक्खं च अणुहवेऊण । जिणवरजलपूयाए सिज्झिस्सइ पंचमे जम्मे ॥६५॥ इय अट्ठविहं पूयं भव्वा काऊण वीयरागाणं । पावंति विग्घरहिया निच्चसुहं सासयं ठाणं ॥६६॥ इति कलशपूजायां अष्टमं कथानकं समाप्तम् ॥८॥
__इत्यष्टप्रकारैः पूजा कथिता ॥
१. वाडिघडं । २. उत्तारेह । ३. सकुरुणं । ४. भणियाए तीए । ५. वसुहं । ६. परिवालेऊण ।
Jain Education International 2010_02
For Private & Personal Use Only
www.jainelibrary.org
