________________
विजयचंदचरियं
तेण वि सा पडिभणिया भेइणि तुमं कीस मग्गसि रुयंती । तीए वि नियवुत्तंतो नीसेसो साहिओ तस्स ॥१८॥ भणिया य तुमं धन्ना जीइ तए जिणहरे घडो दिन्नो । संपत्तं जम्मफलं सुहबीयं मुक्खसुक्खस्स ॥१९॥ अणुमोयणाइ एवं बद्धं तेणावि सुहफलं कम्मं । धम्माणुमोयणाए जीवो भवसायरं तरइ ॥२०॥ जइ एवं ता गिन्हसु घडयं मा कुणसु नियमणे खेयं । किं भइणीहत्थाओ गिन्हिस्सं कंकणं अहयं ॥२१॥ इय भणिया सा घित्तुं घडयं भरिऊण पवरनीरस्स । अप्पेइ सासुयाए सा वि ठिया नियसहावंमि ॥२२॥ तं दट्ठणं घडयं पच्छायावो य तीइ संजाओ । तह वि हु बद्धं कम्मं एगभवं जिणपओसाओ ।।२३।। सो चेव कुंभकारो जिणजलपूयाणुमोयणफलेण । मरिऊण समुप्पन्नो कुंभपुरे सिरिहरो राया ॥२४।। सो भुंजइ रायसिरि सिरियादेवीइ सह सुहासत्तो । पणमंतमंडलेसरकीरीडसेंसोहिपयकमलो ॥२५॥ सोमसिरी वि य मरिडं सिरिदेवीगब्भसंभवा धूया । सिरिहररन्नो जाया जिणजलपूयाणुभावेण ॥२६॥ तीए गैब्भंमि ठिया परमो जणणीइ दोहलो जाओ । जाणामि जइ जिणिदं न्हावेमो नीरकलसेहिं ॥२७॥
१. बहिणि । २. तीइ वि । ३. भणिए । ४. वि । ५. संघट्ट । ६. गब्भट्ठियाए। ७. डोहलो । ८. जाणेमि ।
Jain Education International 2010_02
For Private & Personal Use Only
www.jainelibrary.org
